Gwefan llywodraeth y DU

Pwy all wneud cais?

Gallwch wneud cais i fod yn ofalwr maeth:

• os oes gennych blant eich hunain neu beidio
• os ydych yn sengl, yn briod neu'n byw gyda phartner
• os ydych mewn gwaith neu'n ddi-waith
• os ydych yn byw yn eich cartref eich hun neu'n rhentu
• beth bynnag fo'ch hil, eich crefydd neu'ch rhywioldeb

Gwneud cais i fod yn ofalwr maeth

Os oes gennych ddiddordeb mewn bod yn ofalwr maeth, y cam cyntaf yw cysylltu â'ch gwasanaeth maethu lleol (naill ai adran gwasanaethau cymdeithasol eich cyngor lleol neu asiantaeth faethu annibynnol) a threfnu cyfarfod. Fe gewch chi esboniad ganddyn nhw o beth yw goblygiadau maethu a chewch gymorth i benderfynu a ydych yn addas i faethu neu beidio.

Bydd y ddolen gyntaf isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol ble gallwch gael mwy o wybodaeth am faethu.

Bydd yr ail ddolen yn eich helpu i ddod o hyd i asiantaeth faethu annibynnol yn eich ardal chi.

• Cael gwybod am faethu plentyn Opens new window

• Dod o hyd i'ch asiantaeth faethu leol Opens new window

Unwaith y penderfynir eich bod yn addas i fod yn ofalwr maeth, bydd y Swyddfa Cofnodion Troseddol yn edrych i weld a ydych wedi cyflawni trosedd a fyddai'n eich rhwystro rhag maethu. Bydd rhaid i chi gael archwiliad iechyd hefyd, rhag ofn bod gennych broblem iechyd.

Bydd gweithiwr cymdeithasol yn eich helpu i lenwi ffurflen gais a bydd gofyn i chi fynd i sesiwn grwp paratoi gyda phobl eraill sy'n ymgeisio.

Yn olaf caiff eich ffurflen gais ei hanfon at banel maethu annibynnol, a fydd yn argymell a ydych yn addas i fod yn ofalwr maeth neu beidio. Gall hyn gymryd hyd at chwe mis.

Mwy o ddolenni defnyddiol

• Y Rhwydwaith Maethu – Allech Chi Faethu? Opens new window

• Cymdeithas Mabwysiadu a Maethu Prydain Opens new window

Cysylltiadau defnyddiol

• Cysylltiadau rhieni