Gwefan llywodraeth y DU

Ymweld â'ch coedwig neu'ch coetir agosaf

Mae nifer o goedwigoedd a choetiroedd ar agor i'r cyhoedd, ac mae ganddynt lwybrau sydd wedi eu marcio'n glir. Rheolir y mwyafrif o'r rhain gan y Comisiwn Coedwigaeth, awdurdodau lleol, ymddiriedolaethau bywyd gwyllt sirol neu'r Ymddiriedolaeth Coed Cadw.

Mae’r Comisiwn Coedwigaeth yn amddiffyn ac yn ehangu coedwigoedd a fforestydd Prydain er mwyn cynyddu eu gwerth i'r gymdeithas ac i'r amgylchedd.

Elusen gadwraeth yw'r Ymddiriedolaeth Coetiroedd, ar y llaw arall, a'i nod yw gwarchod treftadaeth ein coetiroedd brodorol. Mae'r cyrff hyn yn cynnig cyfleusterau, megis meysydd parcio, er mwyn gwneud eich ymweliad yn haws ac yn llawn mwynhad.

Pan fyddwch chi'n ymweld â'ch coedwig leol neu goetir, gwnewch yn siŵr eich bod yn dilyn y Cod Coedwigoedd:

• gochelwch rhag unrhyw risg o dân
• gwarchodwch goed, planhigion a bywyd gwyllt
• cofiwch adael pethau fel y cawsoch nhw - peidiwch â mynd â dim byd oddi yno
• cadwch gŵn dan reolaeth
• osgowch wneud difrod i adeiladau, ffensys, perthi, waliau ac arwyddion
• peidiwch â gadael sbwriel ar eich ôl

• Dod o hyd i fannau gwyrdd a gweithgareddau awyr iach yn eich ardal chi Opens new window

• Diogelwch yng nghefn gwlad

Natur a bywyd gwyllt

Mae coedwigoedd a choetiroedd y DU yn gartref i fywyd gwyllt anhygoel, felly cadwch olwg wrth i chi archwilio'r cynefinoedd naturiol hyn. Wyddoch chi ddim beth welwch chi!

Os oes gennych chi ddiddordeb gwirioneddol mewn bywyd gwyllt, gallech chi hefyd ymweld ag un o'r 2500 o warchodfeydd natur sy'n frith hyd y DU. Yr Ymddiriedolaethau Bywyd Gwyllt sy'n rheoli neu'n berchen ar lawer ohonynt. Mae gwefan yr Ymddiriedolaethau Bywyd Gwyllt yn cynnwys cronfa ddata A-Z o dros 650 o rywogaethau blodau, coed, trychfilod, glöynnod byw, gwyfynnod, adar a bywyd gwyllt yr ardd. Gall hyn eich helpu i adnabod y planhigion a'r creaduriaid y byddwch chi'n eu gweld wrth fynd am dro.

Neu, gallech ymweld ag un o'r 150 o warchodfeydd natur a reolir gan y Gymdeithas Frenhinol er Gwarchod Adar (RSPB). Mae'r gwarchodfeydd hyn yn ddelfrydol i wylwyr adar a'r rhai sy'n mwynhau natur. Mae rhai'n darparu amrywiaeth o gyfleusterau sy'n addas ar gyfer diwrnod i'r teulu, tra mai dim ond ychydig o wasanaethau a gynigir gan eraill. I gael gwybod mwy am warchodfeydd natur yr RSPB, ewch i'w gwefan.

Ceir 215 o Warchodfeydd Natur Cenedlaethol yn Lloegr hefyd. Mae llawer o'r rhain yn cynnwys nodweddion naturiol arbennig ac maent yn gartref i rai o'n rhywogaethau bywyd gwyllt pwysicaf.

• Yr Ymddiriedolaethau Bywyd Gwyllt Opens new window

• Gwarchodfeydd natur yr RSPB Opens new window

• Dod o hyd i Warchodfa Natur Genedlaethol ar wefan Natural England Opens new window

Be sy ’mlaen

Yn ogystal â'i weithgareddau rheolaidd, mae'r Comisiwn Coedwigaeth yn cynnal amryw ddigwyddiadau. Maent yn addas i'r hen a'r ifanc fel ei gilydd, ac maent yn cynnwys teithiau cerdded, teithiau beic i deuluoedd, diwrnodau agored, torri coed, gwylio bywyd gwyllt, a rhagor.

Gallech hefyd gael gwybod beth mae'r Ymddiriedolaeth Coed Cadw yn ei wneud yn eich ardal. Mae'r Ymddiriedolaeth Coed Cadw yn cynnal teithiau tywys, sgyrsiau, digwyddiadau plannu coed a digwyddiadau codi arian yn eu coedwigoedd ledled y DU yn rheolaidd. Mae nifer o gyfleoedd i wirfoddoli hefyd, i'r rhai sy'n dymuno cyfrannu o'u hamser a'u sgiliau i un o wahanol brosiectau'r Ymddiriedolaeth.

• Chwilio am un o ddigwyddiadau'r Comisiwn Coedwigaeth Opens new window

• Cael gwybod beth y mae’r Ymddiriedolaeth Coetir yn ei wneud Opens new window

Mwy o ddolenni defnyddiol

• Teithio o gwmpas yn y DU

• Ymweld â mannau diddorol os oes gennych anabledd (adran pobl anabl)

• Teithio a gwyliau yn y DU (adran pobl anabl)