Gwefan llywodraeth y DU

Os caiff plentyn ei eni a'i fabwysiadu yng Nghymru neu Lloegr

Gall gymryd hyd at chwe wythnos i gofrestru mabwysiad, o’r adeg y bydd y llys yn rhoi’r gorchymyn mabwysiadu i’r adeg y bydd y Swyddfa Gofrestru Gyffredinol yn diweddaru’r Gofrestr Plant Mabwysiedig. Mae hyn yn cymryd lle’r cofnod geni gwreiddiol, sydd â ‘wedi mabwysiadu’ arno.

Yna, fe gewch dystysgrif mabwysiadu cryno am ddim. Os hoffech gael mwy o gopïau cryno neu dystysgrifau llawn bydd angen i chi eu harchebu. Gallwch wneud hyn ar-lein neu dros y ffôn.

• Archebu tystysgrif mabwysiadu

Beth os oes camgymeriad ar y Gorchymyn Llys?

Os byddwch yn sylwi ar gamgymeriad ar y Gorchymyn Llys, dylech gysylltu â'r llys a oedd yn delio â'r mabwysiadu a gwneud cais am orchymyn diwygiedig. Bydd y Gofrestr Plant Mabwysiedig yn cael ei diweddaru'n awtomatig.

Os caiff plentyn ei eni a’i fabwysiadu dramor

Gellir cofrestru plant sy’n cael eu geni a’u mabwysiadu dramor ar y Gofrestr Plant Mabwysiedig ar yr amod bod y rhiant neu’r rhieni yn byw’n arferol yng Nghymru neu Lloegr adeg y mabwysiadu. Os nad yw hynny’n wir, bydd angen i chi geisio cyngor cyfreithiol i weld a ellir cydnabod y mabwysiad yn y wlad hon.

I weld a yw'r wlad lle digwyddodd y mabwysiadu'n cael ei chydnabod ewch i wefan 'Mae pob plentyn yn bwysig' yr Adran Plant, Ysgolion a Theuluoedd.

• Mae pob plentyn yn bwysig – mabwysiadu Opens new window

Os caiff plentyn ei eni yng Nghymru neu Lloegr, a’i fabwysiadu dramor

Gellir cofrestru plant sy’n cael eu geni yng Nghymru neu Lloegr ond sy’n cael eu mabwysiadu dramor yn y Gofrestr Plant Mabwysiedig ar yr amod bod genedigaeth y plentyn wedi’i chofrestru yng Nghymru a Lloegr.

Beth i’w wneud os caiff plentyn ei eni neu ei fabwysiadu dramor

Gall y rhiant neu’r rhieni sy’n mabwysiadu, unigolyn sydd â chyfrifoldeb rhiant dros y plentyn, neu’r unigolyn a fabwysiadwyd ei hun os yw dros 18 oed, wneud cais i gofrestru manylion plentyn ar y gofrestr mabwysiadu.

Gallwch lwytho’r ffurflen i lawr isod neu gysylltu â’r Swyddfa Gofrestru Gyffredinol ar +44 (0)151 471 4830. Neu gallwch anfon e-bost i:

adoptions@ips.gsi.gov.uk

Dogfennau y bydd eu hangen arnoch

Bydd angen i chi ddarparu tystiolaeth wreiddiol o’r mabwysiad, megis:

• copi ardystiedig o gofnod mabwysiadu
• tystysgrif caniatáu mabwysiadu

Dylai unrhyw ddogfennau ategol gael eu darparu gan y sefydliad sy’n caniatáu’r mabwysiadu a’u llofnodi gan unigolyn sydd â'r awdurdod i wneud hynny. Chewch chi ddim anfon copïau ardystiedig gan dwrneiod.

Os nad yw’r dogfennau yn Saesneg, bydd angen i chi ddarparu cyfieithiad ohonynt. Rhaid i’r cyfieithiad gael ei lofnodi a’i ardystio gan y cyfieithydd gyda’i enw, ei gyfeiriad a datganiad bod y cyfieithiad yn gywir ac yn wir.

Bydd eich dogfennau ategol, yn ogystal â thystysgrif geni cryno a roddir am ddim, yn cael ei anfon atoch pan fydd y cais wedi ei gwblhau.

• Download ‘Cais Mabwysiadu – preswylio yn Lloegr – Ffurflen 52’ (PDF, 107K)

• Download ‘Cais Mabwysiadu – preswylio dramor – Ffurflen 52b’ (PDF, 98K)

• Download ‘Cofrestru Mabwysiadau Dramor – gwybodaeth i ymgeiswyr’ (PDF, 66K)

• Cymorth gyda ffeiliau PDF

Ar gyfer digwyddiadau sydd wedi'u cofrestru yn yr Alban neu yng Ngogledd Iwerddon

Gallwch gysylltu â'r Swyddfa Gofrestru Gyffredinol berthnasol gan ddefnyddio'r dolenni isod.

• Swyddfa Gofrestru Gyffredinol yr Alban Opens new window

• Swyddfa Gofrestru Gyffredinol Gogledd Iwerddon Opens new window