Gwefan llywodraeth y DU

Cofrestru eich diddordeb mewn cardiau adnabod a'r Gwasanaeth Hunaniaeth Cenedlaethol

Mae’r Gwasanaeth Hunaniaeth Cenedlaethol yn cael ei ddatblygu gan y Gwasanaeth Hunaniaeth a Phasbortau a’r Asiantaeth Ffiniau'r DU. Pan fyddwch yn cofrestru eich diddordeb yn y byddwch yn cael e-gylchlythyrau rheolaidd a fydd yn eich helpu gyda'r canlynol:

• deall mwy am y Gwasanaeth Hunaniaeth Cenedlaethol
• cael yr wybodaeth ddiweddaraf amdanynt
• dysgu sut y gallwch ddefnyddio cerdyn adnabod a sut y gallai fod o fudd i chi
• gwybod pryd y bydd cardiau adnabod ar gael yn eich ardal chi, fel y gallwch wneud cais am un

Rhaid i chi fod yn 16 oed o leiaf i gofrestru. Bydd y wybodaeth a roddwch wrth gofrestru hefyd yn cael ei defnyddio gan y Gwasanaeth Hunaniaeth a Phasbortau i’w helpu i ddiwallu'ch anghenion.

Os hoffech wybod mwy am sut y bydd eich data yn cael ei ddefnyddio, ei gadw neu ei ddiogelu, ceir mwy o wybodaeth yn y datganiad preifatrwydd isod.

• Cofrestru eich diddordeb mewn cardiau adnabod a'r Gwasanaeth Hunaniaeth Cenedlaethol Opens new window

• Cael gwybod a ydych yn gymwys i wneud cais am gerdyn adnabod ar wefan ID Smart Opens new window

• Datganiad preifatrwydd y Gwasanaeth Hunaniaeth a Phasbortau Opens new window

Cael cerdyn adnabod

Fel chi, bydd eich cerdyn adnabod yn unigryw. Bydd yn cynnwys eich llun a gwybodaeth bersonol sylfaenol ar flaen y cerdyn. Caiff yr wybodaeth hon hefyd ei chynnwys ar sglodyn y cerdyn gydag olion dau o'ch bysedd.

Mae cael cerdyn adnabod yr un mor syml â gwneud cais am eich pasport oedolyn cyntaf. Caiff ceisiadau am gardiau adnabod eu prosesu a’u rheoli yn yr un ffordd ddiogel â cheisiadau am basport.

Ac os ydych yn ddinesydd Prydeinig, byddwch yn gallu teithio yn Ewrop gyda'ch cerdyn adnabod ac ni fydd angen eich pasport arnoch.

Mae’r llywodraeth yn bwriadu canolbwyntio ar gyflwyno cardiau adnabod (am dâl o £30) i’r sawl a fydd yn elwa ohono fwyaf, yn enwedig pobl ifanc yn 16 oed a throsodd.

Erbyn hyn gall dinasyddion Prydeinig sy’n byw a gweithio yng ngogledd-orllewin Lloegr wneud apwyntiad i gofrestru ar gyfer cerdyn adnabod.