Gwefan llywodraeth y DU

Holi a allwch apelio yn erbyn eich collfarn neu ddedfryd

Os ydych am i gymorth cyfreithiol dalu am gostau apêl yn erbyn collfarn neu ddedfryd, dylech siarad â'ch cynghorydd cyfreithiol yn gyntaf.

Os oedd gennych gyfreithiwr neu fargyfreithiwr yn eich cynrychioli yn y llys, bydd yn dweud wrthych os yw o'r farn bod rheswm dros apelio. Dylai hefyd ddweud wrthych os yw o'r farn bod siawns dda y byddai apêl yn llwyddo.

• Apelio - os ydych yn anghytuno â dyfarniad y llys ynadon (adran troseddu a chyfiawnder)

• Apelio - os ydych yn anghytuno â dyfarniad Llys y Goron (adran troseddu a chyfiawnder)

• Cymorth cyfreithiol a chynrychiolaeth yn y llys os cewch eich cyhuddo o drosedd (adran troseddu a chyfiawnder)

Cymorth cyfreithiol ar gyfer apeliadau yn erbyn dyfarniadau'r llys ynadon

Mae'r broses o wneud cais am gymorth cyfreithiol ar gyfer apêl yn debyg i'r broses ar gyfer y gwrandawiad gwreiddiol yn y llys ynadon.

Bydd angen i'ch cyfreithiwr neu'ch bargyfreithiwr wneud cais am gymorth cyfreithiol ar gyfer cynrychiolaeth mewn apêl.

I gael cymorth cyfreithiol ar gyfer apêl, bydd angen i'ch achos basio'r prawf Budd Cyfiawnder. Cewch ragor o wybodaeth am y prawf Budd Cyfiawnder gan ddefnyddio'r ddolen isod.

Caiff eich sefyllfa ariannol ei hystyried hefyd - gelwir hyn y 'prawf modd'.

Rhaid i chi roi gwybod i'ch cyfreithiwr neu'ch bargyfreithiwr os yw eich amgylchiadau ariannol wedi newid ers i chi wneud eich cais gwreiddiol ar gyfer eich treial.

• Prawf Budd Cyfiawnder Opens new window

Os byddwch yn pasio'r prawf Budd Cyfiawnder a'r prawf modd

Bydd eich cyfreithiwr neu'ch bargyfreithiwr yn delio â'ch cais am gymorth cyfreithiol ar eich rhan. Bydd y llys yn dweud wrth eich bargyfreithiwr neu'ch cyfreithiwr os yw eich achos yn pasio'r prawf Budd Cyfiawnder a'r prawf modd.

Yn dibynnu ar ganlyniadau'r prawf modd, efallai y bydd yn rhaid i chi gyfrannu at gostau eich apêl. Bydd eich cyfreithiwr neu'ch bargyfreithiwr yn rhoi gwybod i chi faint y bydd yn rhaid i chi ei dalu o bosibl.

Hefyd, efallai y bydd yn rhaid i chi wneud taliadau ychwanegol. Mae hyn yn dibynnu ar beth sy'n digwydd yn eich apêl a gallai gynnwys:

• os rhoddir y gorau i'ch collfarn neu os caiff ei gwrthod gan y llys, bydd yn rhaid i chi gyfrannu £500
• os caiff eich collfarn ei gwrthod ond y caiff eich dedfryd ei lleihau, bydd yn rhaid i chi gyfrannu £250
• os rhoddir y gorau i'ch dedfryd (ond nid y gollfarn) neu os caiff ei gwrthod, bydd yn rhaid i chi gyfrannu £250

Os na fyddwch yn pasio'r prawf Budd Cyfiawnder a'r prawf modd

Os na fyddwch yn pasio naill ai'r prawf Budd Cyfiawnder neu'r prawf modd, bydd yn rhaid i chi dalu eich biliau cyfreithiol eich hun. Neu gallwch weld a fydd cynghorydd cyfreithiol yn fodlon gwneud y gwaith am ddim. Gelwir hyn yn 'pro bono', sy'n golygu 'er lles y cyhoedd'.

Os ydych am ddod o hyd i gynghorydd cyfreithiol sy'n gwneud gwaith pro bono, bydd angen i chi siarad ag asiantaeth fel Cyngor ar Bopeth neu LawWorks.

• Dod o hyd i'ch swyddfa Canolfan Cyngor ar Bopeth leol Opens new window

• Dod o hyd i ganolfan y gyfraith yn eich ardal leol Opens new window

Cymorth cyfreithiol ar gyfer apeliadau yn erbyn dyfarniadau Llys y Goron

Mae'r ffordd rydych yn gwneud cais am gymorth cyfreithiol i apelio yn erbyn penderfyniad Llys y Goron yn dibynnu ar y canlynol:

• os gwnaethoch dalu am eich amddiffyniad eich hun neu gael help gan gymorth cyfreithiol
• os oes Hysbysiad o Apêl (cais i apelio) wedi'i wneud i'r llys

I gael rhagor o gyngor ar b'un a ddylech apelio a sut mae cymorth cyfreithiol yn gweithio, siaradwch â'ch cyfreithiwr.

Help a chyngor yn Gymraeg

Gallwch gael gwybodaeth am ddelio â'ch problemau cyfreithiol yn Gymraeg drwy ddilyn y ddolen isod.

• Gwybodaeth am yr heddlu a throseddau - Cyngor Cyfreithiol Cymunedol (Welsh) Opens new window