Gwefan llywodraeth y DU

A yw gweithio yn y diwydiant manwerthu yn addas i chi?

Y sector manwerthu yw un o'r sectorau mwyaf amrywiol a chyffrous y gallech ei ddewis fel gyrfa. Mae cyfleoedd ar gyfer datblygu eich gyrfa'n gyflym, cael cyflogau da a manteision i staff.

Dyma rywfaint o sylwadau cadarnhaol gan bobl sy'n gweithio yn y diwydiant manwerthu ar hyn o bryd:

John Mateer, Cynorthwy-ydd Gwerthu

"Y peth gorau yw fod diddordeb brwd gen i am yr hyn rwy'n ei werthu - sy'n gwneud helpu cwsmeriaid yn hawdd iawn."

Janice Ramsden, Rheolwr Gwasanaethau Cwsmeriaid

"Hoffwn feddwl amdanaf fy hun fel un sy'n gallu datrys problemau. Y peth pwysig yw peidio â chyffroi a bod yn amyneddgar a bod yn gwbl gyfarwydd â'n cynhyrchion."

Manwerthu: y ffeithiau

Yn aml mae gan bobl syniadau pendant am swyddi gwahanol. Ond mae'n bwysig cael y ffeithiau bob amser. Dyma rywfaint o gamsyniadau cyffredin, ynghyd â'r ffeithiau go iawn.

• "Nid yw graddedigion yn gweithio yn y sector manwerthu" - mewn gwirionedd mae 29% o'r holl raddedigion diweddar sy'n gweithio mewn rolau rheoli yn gweithio ym maes manwerthu
• "Mae manwerthu yn swydd gyda rhagolygon cyfyngedig" - mewn gwirionedd, mae gan fanwerthwyr raglenni hyfforddi gwych ac maent yn cynnig llawer o ddewisiadau gyrfaol gwahanol
• "Mae gweithio yn y sector manwerthu yn golygu cyflog isel" - ddim yn wir, mae amrywiaeth eang o gyflogau gan ddechrau o'r Isafswm Cyflog Cenedlaethol
• "Mae angen llawer o brofiad arnoch i gael swydd yn y sector manwerthu" - mewn gwirionedd, mae meddu ar agwedd gadarnhaol a bod yn gyfathrebwr da yn bwysicach na llawer o brofiad

Manteision gweithio yn y diwydiant manwerthu

Mae llawer o fanteision o weithio yn y diwydiant manwerthu, gan gynnwys:

• cyfleoedd ardderchog - mae gan fanwerthwyr raglenni hyfforddi gwych sy'n cynnig llawer o ddewisiadau gyrfaol gwahanol
• hyblygrwydd - mae llawer o feysydd o waith manwerthu lle na fyddwch yn gaeth i weithio rhwng 9.00am a 5.00pm, a all rhoi'r hyblygrwydd sydd ei angen arnoch
• amodau gwaith amrywiol - er enghraifft fe allech fod yn yrrwr i archfarchnad neu'n gweithio mewn swyddfa
• rhagolygon da - mae cyfleoedd ar gyfer datblygu eich gyrfa yn gyflym

Enghreifftiau o brofiadau pobl

Leanne Jones, Cynorthwy-ydd Siop

"Dydw i ddim yn gaeth i weithio naw tan bump, sy'n rhoi'r hyblygrwydd sydd ei angen arnaf. Gallaf weithio o gwmpas fy ymrwymiadau teuluol, sy'n bwysig iawn. Pan fydd cwsmer yn diolch i mi am y cymorth rwyf wedi'i roi iddynt, mae'n ei wneud yn werth chweil. Rwy'n ennill £14,000."

Nadia Mohammad, Rheolwr Gwerthu

"Nid yw'r amgylchedd cyflym a gweithio i dargedau gwerthu yn addas i bawb, ond rwyf wrth fy modd. Des i yma drwy gynllun hyfforddi graddedigion yn syth o'r brifysgol a dw i erioed wedi edrych yn ôl. Rwyf wedi bod yma am ddwy flynedd, rwyf bellach yn rheoli tîm o 20 o bobl ac rwy'n ennill £30,000 y flwyddyn."

Cyngor gyrfaoedd a phroffiliau swyddi

Gallwch gael rhagor o wybodaeth am rolau penodol yn y diwydiant manwerthu drwy ddefnyddio'r ddolen cyngor gyrfaoedd a phroffiliau swyddi isod:

• Proffiliau swyddi gwerthiannau manwerthu a gwasanaeth cwsmeriaid Opens new window

Dewch o hyd i swydd yn y sector hwn

Gallwch gael rhagor o wybodaeth am hyfforddiant a gyrfaoedd yn y diwydiant manwerthu drwy fynd i'r gwefannau canlynol.

• Skillsmart Retail Opens new window

• Cydffederasiwn Recriwtio a Chyflogi Opens new window

I chwilio am swyddi sydd ar gael yn y sector hwn, defnyddiwch y ddolen 'Dechrau chwiliad swyddi a sgiliau' isod neu ffoniwch 0845 6067 890 i siarad ag ymgynghorydd y Ganolfan Byd Gwaith.

Bydd yn gallu rhoi gwybod pa help a chymorth sydd ar gael i'ch helpu i mewn i waith.

• Dechrau chwiliad swyddi a sgiliau Opens new window

• Dod o hyd i'ch swyddfa Canolfan Byd Gwaith leol Opens new window

• Help a chyngor wrth wneud cais am swydd