Gwefan llywodraeth y DU

A yw gweithio ym maes iechyd yn addas i chi?

Mae dros ddwy filiwn o bobl yn gweithio yn niwydiant iechyd y DU. Nid yw'n ymwneud â meddygon a nyrsys yn unig. Gallech fod yn rhan o dîm sy'n helpu cleifion i gael y driniaeth a'r gofal sydd eu hangen arnynt. Beth bynnag yw eich sgiliau a'ch diddordebau, gallwch ddod o hyd i rôl sy'n addas i chi. Gallai gweithio ym maes iechyd fod yn addas i chi.

Dyma rywfaint o sylwadau cadarnhaol gan bobl sy'n gweithio yn y sector iechyd ar hyn o bryd:

Khalid Mahmoud, Cynorthwy-ydd Gofal Brys

"Rwy'n gyrru ambiwlansys ac yn gweithio gyda pharafeddygon. Maent yn fy nhrin fel aelod hanfodol o'r tîm, gan gael eu cleifion i'r ysbyty yn gyflym ac yn ddiogel."

Jean Lennard, Cynorthwy-ydd Chwarae

"Mae fy swydd fel Cynorthwy-ydd Chwarae mewn hosbis i blant yn wych. Gallaf helpu i wneud gwahaniaeth mawr i blant sâl a'u teuluoedd."

Swyddi iechyd: y ffeithiau

Yn aml mae gan bobl syniadau pendant am swyddi gwahanol, ond mae'n bwysig cael y ffeithiau bob amser. Dyma rywfaint o gamsyniadau cyffredin, ynghyd â'r ffeithiau go iawn:

• "Mae swyddi iechyd bron i gyd ar gyfer merched" - nid yw hyn yn wir o gwbl, mae llawer o gyfleoedd gwahanol i ddynion yn ogystal â merched.
• "Mae angen gradd arnoch i weithio yn y sector iechyd" - dim ond ychydig o swyddi iechyd sydd i raddedigion yn unig. Os ydych yn barod i weithio a hyfforddi'n galed gallwch adeiladu gyrfa wych ym maes iechyd
• "Nid oes gwerth cael swydd ym maes iechyd os nad ydych yn hoffi ysbytai" - ddim yn wir, gallech weithio mewn canolfan alwadau, labordy neu weithdy, neu efallai y byddwch ar y ffordd yn ymweld â chleifion yn y gymuned; mae llawer mwy i'r sector iechyd nac ysbytai

Manteision gweithio yn y diwydiant iechyd

Mae llawer o fanteision o weithio yn y diwydiant iechyd, gan gynnwys:

• cyfleoedd ardderchog - mae llawer o wahanol gyfleoedd i ddynion a merched
• amodau gwaith amrywiol - nid yw pob swydd wedi'i lleoli yn yr ysbyty
• rhagolygon gyrfa da - os ydych am barhau i ddysgu a hyfforddi gallwch adeiladu gyrfa ardderchog ym maes iechyd

Enghreifftiau o brofiadau pobl

Sam Downes, Cynorthwy-ydd Personol

"Fi yw'r cynorthwyydd personol i gyfarwyddwr yr Ymddiriedolaeth GIG leol. Dechreuais fel ysgrifenyddes feddygol. Ers hynny rwyf wedi cwblhau NVQ a gweithio fy ffordd i fyny i'r swydd hon. Mae angen i mi fod yn dda wrth gynllunio ac ysgrifennu. Mae gennyf lawer o gyfrifoldebau, ond rwyf wrth fy modd. Rwy'n ennill ychydig o dan £26,000."

Jomo Bailey, Technegydd Gwasanaethau Steryllu

"Rwy'n sicrhau bod y cyfarpar a ddefnyddir ar wardiau ac yn y theatrau llawdriniaeth yn lân ac yn rhydd o ermau. Mae'n waith anodd ond rwyf wrth fy modd. Rwy'n cael cyflog da (tua £14,000 i ddechrau). Rwy'n mwynhau cyfarfod â chleifion a staff pan fyddaf yn dosbarthu adnoddau glân i'r wardiau. Mae rhywun newydd i sgwrsio â nhw bob amser."

Cyngor gyrfaoedd a phroffiliau swyddi

Gallwch gael rhagor o wybodaeth am rolau penodol yn y sector iechyd drwy ddefnyddio'r ddolen cyngor gyrfaoedd a phroffiliau swyddi isod.

• Cyngor gyrfaoedd a phroffiliau swyddi Opens new window

Dewch o hyd i swydd yn y sector hwn

Gallwch gael rhagor o wybodaeth am hyfforddiant a gyrfaoedd yn y sector iechyd drwy fynd i'r gwefannau canlynol:

• Sgiliau Iechyd Opens new window

• NHS Jobs - gwefan swyddi'r GIG Opens new window

• Cydffederasiwn Recriwtio a Chyflogi Opens new window

Rhagor o help a chymorth

I chwilio am swyddi sydd ar gael yn y sector hwn, defnyddiwch y ddolen 'Dechrau chwiliad swyddi a sgiliau' isod neu ffoniwch 0845 6067 890 i siarad ag ymgynghorydd y Ganolfan Byd Gwaith.

Bydd yn gallu rhoi gwybod pa help a chymorth sydd ar gael i'ch helpu i mewn i waith.

• Dechrau chwiliad swyddi a sgiliau Opens new window

• Dod o hyd i'ch swyddfa Canolfan Byd Gwaith leol Opens new window

• Help a chyngor wrth wneud cais am swydd