Gwefan llywodraeth y DU

A yw gweithio yn y diwydiant gweithgynhyrchu bwyd a diod yn addas i chi?

Bydd y pwysau am syniadau newydd a chynhyrchion iach yn sicrhau swyddi da i bobl o bob oedran am flynyddoedd i ddod. Gallai'r diwydiant gweithgynhyrchu bwyd a diod fod yn addas i chi.

Dyma rywfaint o sylwadau cadarnhaol gan bobl sy'n gweithio yn y diwydiant gweithgynhyrchu bwyd a diod ar hyn o bryd:

Ellen Macdonald, Pobydd

"Rwy'n hyfforddi i fod yn oruchwyliwr ac yn fuan gobeithiaf fod yn gyfrifol am dîm o 5 pobydd. Rydym yn dîm ymarferol."

Jonathan Pearson, Dirprwy Arweinydd Tîm a Phrentis y Flwyddyn 2007

"Mae gweithio'n galed a chael cymwysterau wedi newid popeth. Bellach rwyf am fod yn rheolwr o fewn pum mlynedd."

Gweithgynhyrchu bwyd a diod: y ffeithiau

Yn aml mae gan bobl syniadau pendant am swyddi gwahanol. Ond mae'n bwysig cael y ffeithiau bob amser. Dyma rywfaint o gamsyniadau cyffredin, ynghyd â'r ffeithiau go iawn:

• "Mae'r diwydiant bwyd a diod yn llawn swyddi sy'n mynd i unlle" - yn sicr gallwch ddechrau â rôl syml, ond gallwch symud i fyny'r ysgol os byddwch yn dewis hynny
• "Mae'r cyflog yn wael ym mhob swydd" - efallai y byddwch yn cael yr Isafswm Cyflog Cenedlaethol i ddechrau, ond mae profiad a hyfforddiant yn gwneud gwahaniaeth - gweithiwch eich ffordd i fyny a gallwch ennill cyflog uchel
• "Mae gweithgynhyrchu yn y DU yn marw" - efallai ei bod yn amser anodd ond mae angen bwyd a diod arnom i gyd - mae'r gystadleuaeth am gynhyrchion gwell ac iachach hefyd yn cadw'r diwydiant i fynd

Manteision gweithio yn y diwydiant gweithgynhyrchu bwyd a diod

Mae llawer o fanteision o weithio yn y diwydiant gweithgynhyrchu bwyd a diod, gan gynnwys:

• gallwch feithrin gyrfa wych - mae llawer o gyfleoedd i hyfforddi a symud ymlaen
• mae'n sector sy'n tyfu - mae swyddi i bobl o bob oedran
• cyfleoedd ardderchog - bydd y pwysau am syniadau newydd a chynhyrchion iach yn cadw'r diwydiant yn brysur iawn am flynyddoedd i ddod

Enghreifftiau o brofiadau pobl

David Brealey, Gwneuthurwr Siocled

"Gallwch ddechrau yn y swydd hon â gradd, ond credaf mai gweithio fy ffordd i fyny a hyfforddi yn y swydd oedd y ffordd orau i mi. Cefais brofiad ymarferol a dysgais y pethau technegol ar yr un pryd. Nid yw wedi bod yn hawdd, ond mae'n werth chweil! Fy nghyflog presennol yw £26,000."

Sheela Kennedy, Cynlluniwr Cynhyrchu

"Cred llawer o ferched mai dim ond i ddynion y mae'r diwydiant bwyd a diod, ond nid yw hynny'n wir. Mae swyddi diddorol i bawb. Pwy bynnag ydych chi, rwy'n argymell eich bod yn mynd i ganfod mwy am eich dewisiadau. Rwy'n eithaf newydd i'r swydd ac rwy'n ennill tua £16,000."

Cyngor gyrfaoedd a phroffiliau swyddi

Gallwch gael rhagor o wybodaeth am rolau penodol yn y diwydiant gweithgynhyrchu bwyd a diod drwy ddefnyddio'r ddolen cyngor gyrfaoedd a phroffiliau swyddi isod:

• Cyngor gyrfaoedd a phroffiliau swyddi Opens new window

Dewch o hyd i swydd yn y sector hwn

Gallwch gael rhagor o wybodaeth am hyfforddiant a gyrfaoedd yn y diwydiant gweithgynhyrchu bwyd a diod drwy fynd i'r gwefannau canlynol:

• Gwella Sgiliau - y diwydiant bwyd a diod Opens new window

• Gyrfaoedd ym maes bwyd a diod Opens new window

• Cydffederasiwn Recriwtio a Chyflogi Opens new window

I chwilio am swyddi sydd ar gael yn y sector hwn, defnyddiwch y ddolen 'Dechrau chwiliad swyddi a sgiliau' isod neu ffoniwch 0845 6067 890 i siarad ag ymgynghorydd y Ganolfan Byd Gwaith.

Bydd yn gallu rhoi gwybod pa help a chymorth sydd ar gael i'ch helpu i mewn i waith.

• Dechrau chwiliad swyddi a sgiliau Opens new window

• Dod o hyd i'ch swyddfa Canolfan Byd Gwaith leol Opens new window

• Help a chyngor wrth wneud cais am swyddi