Gwefan llywodraeth y DU

Gwybodaeth am ymarferwyr ansolfedd

Mae ymarferydd ansolfedd fel arfer yn dwrnai neu'n gyfrifydd sy'n arbenigo mewn materion yn ymwneud ag ansolfedd. Er enghraifft, bydd yn chwarae rhan y canlynol:

• ‘ymddiriedolwr’ mewn methdaliad – lle bydd yn rheoli ac yn gwerthu asedau’r methdalwr
• ‘goruchwyliwr’ mewn trefniant gwirfoddol unigol (dewis arall yn hytrach na methdaliad) – lle bydd yn rheoli ad-daliadau’r dyledwr
• ‘diddymwr’ wrth i gwmni gael ei ddiddymu – lle bydd yn rheoli cwmni sy’n cael ei ddiddymu ac yn gwerthu’r asedau

Gall hefyd roi cyngor ynglŷn â phroblemau penodol yn ymwneud â dyledion, er enghraifft, ai methdaliad fyddai'r ffordd orau o ddelio â'ch dyledion ai peidio. Bydd yn rhaid talu am y gwasanaeth hwn. Bydd y cyngor hwn ar gael yn rhad ac am ddim gan eich canolfan Cyngor ar Bopeth leol neu gan y Llinell Ddyled Genedlaethol.

Mae cyrff awdurdodi yn trwyddedu (rhoi awdurdod i) ymarferwyr ansolfedd. Maent hefyd yn gyfrifol am gynnal safonau proffesiynol ac ymchwilio i gwynion am ymarferwyr ansolfedd.

Sut mae defnyddio’r gwasanaeth hwn

Mae’r cyfeiriadur yn cynnwys manylion cyswllt llawn ymarferydd ansolfedd, yn ogystal â manylion cyswllt ei gorff awdurdodi.

Gallwch chwilio ar sail sir, neu ar sail manylion hysbys yr ymarferydd ansolfedd, megis ei enw, ei gwmni neu ei rif awdurdodi.

• Chwilio drwy’r cyfeiriadur ymarferwyr ansolfedd Opens new window

Peidiwch â defnyddio'r gwasanaeth hwn os...

Nid yw’r cyfeiriadur yn cynnwys gwybodaeth am yr achosion mae ymarferydd ansolfedd yn gweithio arnynt, er enghraifft, methdaliadau unigol a gorchmynion rhyddhad dyledion. Gallwch chwilio am yr wybodaeth hon ar y Gofrestr Ansolfedd Unigolion.

Gallwch chwilio am wybodaeth ynglŷn â chyfarwyddwyr a gafodd eu gwahardd ac ansolfeddau cwmnïau ar wefan Tŷ’r Cwmnïau. Efallai y codir tâl am y gwasanaeth hwn.

• Y Cofrestr Ansolfedd Unigolion

• Tŷ'r Cwmnïau - chwilio drwy gofnodion cwmnïau Opens new window

Mwy o ddolenni defnyddiol

• Dyled – lle i gael cymorth a chyngor am ddim (adran arian, treth a budd-daliadau)

• Cwyno am ymarferydd ansolfedd (adran arian, treth a budd-daliadau)