Gwefan llywodraeth y DU

Gwybodaeth am y Derbynnydd Swyddogol

Mae Derbynwyr Swyddogol yn weision sifil i’r Gwasanaeth Ansolfedd, ac maent yn swyddogion i’r llys. Maent yn gyfrifol am weinyddu cam cyntaf eich ansolfedd, o leiaf. Rydych yn mynd yn fethdalwr pan na allwch chi dalu’ch dyledion mwyach. Mae gweithdrefnau ansolfedd yn sicrhau bod eich credydwyr (y bobl y mae arian yn ddyledus iddynt gennych chi) yn cael rhywfaint o'u harian yn ôl, neu eu harian i gyd yn ôl, drwy werthu eich asedau (eiddo, cyfranddaliadau ac ati).

Mae gweithdrefnau ansolfedd lle y mae’r Derbynnydd Swyddogol yn rhan ohonynt yn cynnwys:

• methdaliad
• gorchmynion rhyddhad dyledion – dewis arall yn hytrach na methdaliad
• trefniadau gwirfoddol llwybr carlam – dewis arall yn hytrach na methdaliad
• diddymu cwmni yn orfodol – rheoli materion cwmni sy’n cael ei ddiddymu, a rheoli gwerthu ei asedau

Sut mae defnyddio’r gwasanaeth hwn

Ceir tair ffordd o chwilio am Dderbynnydd Swyddogol, sef:

• dewis lleoliad swyddfa Derbynnydd Swyddogol – er enghraifft, Caerdydd
• dewis enw llys – bydd y cyfeiriadur yn dangos i chi’r Derbynnydd Swyddogol sy’n gweithio â’r llys hwnnw
• rhoi cyfenw Derbynnydd Swyddogol i mewn

• Chwilio drwy gyfeiriadur y Derbynwyr Swyddogol Opens new window

Peidiwch â defnyddio'r gwasanaeth hwn os...

Mae Derbynwyr Swyddogol yn cael eu penodi gan y llys i ddelio ag achosion unigol o ansolfedd yng Nghymru a Lloegr.

Os oes arnoch eisiau cyngor personol ynglŷn â’ch problem dyled, gallwch gael cymorth di-dâl ac annibynnol gan fudiadau megis Cyngor ar Bopeth neu'r Llinell Ddyled Genedlaethol.

Os oes arnoch angen gwybodaeth gyffredinol ynghylch deddfwriaeth ansolfedd a gweithdrefnau ansolfedd (megis methdaliad) dylech gysylltu â’r Llinell Ymholiadau Ansolfedd. Ffoniwch 0845 602 9848, o ddydd Llun i ddydd Gwener, rhwng 8.00 am a 5.00 pm. Ar gyfer yr Alban neu Ogledd Iwerddon, cysylltwch â'r Cyfrifydd mewn Methdaliad (yr Alban) neu â Gwasanaeth Ansolfedd Gogledd Iwerddon.

• Dyled – lle i gael cymorth a chyngor am ddim (adran arian, treth a budd-daliadau)

• Cyfrifydd mewn Methdaliad Opens new window

• Gwasanaeth Ansolfedd Gogledd Iwerddon Opens new window

Mwy o ddolenni defnyddiol

• Cwyno am Dderbynnydd Swyddogol i'r Gwasanaeth Ansolfedd (adran arian, treth a budd-daliadau)