Gwefan llywodraeth y DU

Beth i’w ddisgwyl mewn gorsafoedd heddlu lleol

Mae pob heddlu wedi’i rannu’n unedau, a bydd pob uned yn arbenigo mewn gwahanol bethau. Bydd ambell swyddog yn cerdded y stryd ‘ar y bît’, eraill yn ymchwilio i ddamweiniau traffig ac eraill yn ymdrin â throseddau mawr.

Bydd y rhan fwyaf o bobl yn dod i gysylltiad â’r heddlu yn eu gorsaf leol, pan fyddant yn galw yno i riportio trosedd neu i ofyn am wybodaeth.

Yn y rhan fwyaf o orsafoedd fe welwch ddesg gymorth a fydd yn cael ei rhedeg naill ai gan staff sifil yr heddlu neu gan blismyn, neu gyfuniad o'r ddau. Bydd unrhyw un sy’n gweithio y tu ôl i’r ddesg wedi cael ei hyfforddi i ddelio â'ch cwestiynau, ac i'ch helpu gydag unrhyw broblemau sydd gennych.

Os oes gennych gwestiynau cyffredinol am yr heddlu a sut maent yn gweithio, mae gwefan ‘Cwestiynau Cyffredin’ yr heddlu’n lle da i ddechrau.

• Yr Heddlu – Cwestiynau Cyffredin (Cymru a Lloegr) Opens new window

• Dod o hyd i heddlu, tîm plismona cymdogaeth neu awdurdod heddlu

Rhaid i’r heddlu eich trin yn deg

Mae gennych hawl i gael eich trin yn deg gan yr heddlu, ac mae’r addewid plismona cenedlaethol yn nodi eu dyletswyddau tuag atoch chi.

Mae’r addewid yn cynnwys deg safon ar gyfer y gwasanaeth y gallwch ei ddisgwyl gan yr heddlu lle bynnag yr ydych yn byw yng Nghymru a Lloegr.

Ymhlith pethau eraill, mae’n addo y bydd pob heddlu:

• yn eich trin â pharch bob amser
• yn gwneud yn siŵr eich bod yn cael mynediad teg at wasanaethau'r heddlu pan fydd eu hangen arnoch
• yn ymateb i ymholiadau a gyflwynir i’ch tîm plismona cymdogaeth o fewn 24 awr

Mae pob heddlu wedi cynhyrchu ei fersiwn ei hun o’r addewid, gan nodi’r pethau penodol y maent yn addo eu gwneud yn lleol. Fel arfer, bydd eich addewid lleol i’w weld yn yr adran plismona cymdogaeth ar wefan eich heddlu.

• Addewid Plismona Opens new window

• Plismona Cymdogaeth Opens new window

Eich hawliau os cewch eich arestio

Os cewch eich arestio am drosedd, mae'ch hawliau wedi'u diogelu, a rhaid i'r heddlu ddilyn y rheolau a nodir yng nghodau Deddf yr Heddlu a Thystiolaeth Droseddol (PACE). Mae’r cod hwn yn esbonio sut mae’n rhaid i’r heddlu eich trin, a beth yw eich hawliau.

Mae’n dweud, er enghraifft, fod gennych hawl i siarad â thwrnai ac i roi gwybod i aelod o’ch teulu neu i ffrind eich bod wedi cael eich arestio.

Gallwch ddarllen am godau PACE ar wefan Heddlu’r Swyddfa Gartref.

• Codau PACE ar wefan Heddlu’r Swyddfa Gartref Opens new window