Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Rhieni

Dysgu gyda'ch plentyn dan bump

Chi yw athro/athrawes c/gyntaf eich plentyn ac rydych chi'n eu deall nhw'n well na neb arall. Drwy siarad â nhw, chwarae gyda nhw, a chyflwyno sgiliau syml, fe allwch chi eu helpu gyda’u datblygiad yn y dyfodol.

Siarad â'ch plentyn a gwrando arno/arni

Mae ymennydd eich plentyn yn datblygu ar ei gyflymaf cyn iddo/iddi gyrraedd dwy oed. Mae eich plentyn dal i ddysgu a datblygu'n gyflym yn ystod y blynyddoedd cynnar pwysig.

Drwy gynnwys ychydig o gemau dysgu syml ym mywyd bob dydd eich plentyn a'u helpu i archwilio'r byd o'u cwmpas, fe allwch roi'r cychwyn gorau posib iddynt yn eu haddysg.

Byddwch chi'n helpu'ch plentyn i ddysgu drwy roi cyfle iddyn nhw:

edrych ar bethau diddorol, yn yr ardd neu gartref
cyffwrdd ag amrywiaeth o bethau
gwrando ar amrywiaeth o synau fel caneuon, penillion sy'n odli, straeon, cerddoriaeth
blasu amrywiaeth o flasau
archwilio pethau sy'n agor, yn cau, yn arnofio, yn suddo, yn troelli, yn troi
archwilio pethau fel bocsys mawr, pethau sy'n gwneud synau a phethau sy'n symud
chwarae am gyfnodau heb i ddim byd tarfu ar hynny, ar eu pen eu hunain neu gyda phobl eraill, gyda help gan oedolion, ac yn eu ffordd eu hunain
sgwrsio gyda phlant ac oedolion eraill

Ymgyrch Sgwrsiwch gyda'ch Babi: gwybodaeth a chyngor Opens new window

Darllen gyda'ch gilydd

Lle bynnag yr ewch chi gyda'ch plentyn, bydd cyfle i chi ddarllen gyda'ch gilydd. Ar y bws, yn y siopau neu yn swyddfa'r post, gallwch dynnu sylw at y geiriau o'ch cwmpas a dyna ddechrau darllen. Bydd darllen straeon gyda'ch plentyn, hyd yn oed am 10 munud y diwrnod, yn helpu i feithrin sgiliau pwysig, yn ogystal â hybu diddordeb eich plentyn mewn llyfrau.

Datblygu sgiliau darllen ac ysgrifennu i blant dan bump

Cyngor am ddewis llyfrau plant ar wefan Booktrusted Opens new window

Dysgu am rifau a siapiau

Mae cyfri pethau a sylwi ar siapiau'n beth naturiol i blant, felly cewch ddefnyddio diddordeb eich plentyn yn y pethau hyn i'w helpu gyda'u mathemateg. Gellir datblygu sgiliau mathemateg drwy gyfrwng straeon, caneuon, gemau a chwarae dychmygus. Mae hyd yn oed helpu gyda thasgau beunyddiol megis dweud faint o'r gloch yw hi neu bwyso cynhwysion ar gyfer coginio'n rhoi'r cyfle i blant ddysgu sgiliau mathemateg newydd.

Treulio amser gwerthfawr gyda'ch gilydd

Wrth ddiffodd y teledu neu'r cyfrifiadur a threulio amser gyda'ch plentyn, byddwch yn creu cyfleoedd dysgu gwerthfawr. Dyma ychydig o syniadau am weithgareddau y gallwch chi eu gwneud i helpu'ch plentyn i ddysgu:

wrth dreulio amser gyda'ch gilydd yn yr ardd, fe all plentyn ddysgu am blanhigion, pryfed ac anifeiliaid
gall tasgau syml yn y gegin, fel gadael i'ch plentyn daenu jam ar frechdan, fod yn wers goginio ym more oes a gwella sgiliau echddygol
gall chwarae gemau gyda'ch gilydd ddysgu i blentyn sut mae chwarae'n deg ac ymddwyn mewn ffordd gydweithredol
gall lluniau o'r teulu a gwyliau fod yn wers i blentyn am hanes y teulu a daearyddiaeth