Gwefan llywodraeth y DU

Cyngor ar ddyledion – dros y ffôn

Y Llinell Ddyled Genedlaethol

Mae'r Llinell Ddyled Genedlaethol yn cynnig cymorth cyfrinachol ac annibynnol am ddim dros y ffôn i bobl yng Nghymru, Lloegr a'r Alban. Gallwch ffonio'r llinell gymorth a llwytho cyhoeddiadau oddi ar eu gwefan.

• Ymweld â gwefan y Llinell Ddyled Genedlaethol Opens new window

Gwasanaeth Cwnsela Credyd Defnyddwyr

Mae gan Wasanaeth Cwnsela Credyd Defnyddwyr linell gymorth sy'n cynnig cyngor annibynnol a diduedd am ddim i bobl â phroblemau dyled sy’n byw yn y DU.

• Ymweld â gwefan Gwasanaeth Cwnsela Credyd Defnyddwyr Opens new window

• Adnodd delio â dyledion ar-lein Gwasanaeth Cwnsela Credyd Defnyddwyr Opens new window

Payplan

Mae Payplan yn rhoi cyngor am ddim ar ddyledion a chyllidebu i bobl sy’n byw yn y DU. Mae hyn yn cynnwys cynlluniau rheoli dyled sy'n rhad ac am ddim a Chytundebau Gwirfoddol Unigol (IVAs) heb ffi i'w thalu ymlaen llaw.

• Ymweld â gwefan Payplan Opens new window

Cyngor Cyfreithiol Cymunedol

Os ydych chi’n gymwys i gael cymorth cyfreithiol ac yn byw yng Nghymru neu yn Lloegr, gall Cyngor Cyfreithiol Cymunedol gynnig help neu gyngor cyfreithiol am ddim dros y ffôn ar broblemau dyled, tai, cyflogaeth, addysg, budd-daliadau lles a chredydau treth.

• Ymweld â gwefan Cyngor Cyfreithiol Cymunedol Opens new window

Cyngor ar ddyledion – wyneb-yn-wyneb

Canolfan Cyngor ar Bopeth (CAB)

Mae eich canolfan Cyngor ar Bopeth leol yn rhywle da i gael cyngor am ddim. Maent yn darparu gwybodaeth a chyngor yn rhad ac am ddim am broblemau cyfreithiol, problemau ariannol a phroblemau eraill. Gallwch ddod o hyd i'ch canolfan CAB leol yn y llyfr ffôn neu ar eu gwefan.

• Cysylltu â'ch canolfan CAB agosaf yng Nghymru a Lloegr Opens new window

• Dod o hyd i'ch canolfan CAB leol yn yr Alban Opens new window

• Dod o hyd i'ch canolfan CAB leol yng Ngogledd Iwerddon Opens new window

Shelter

Mae Shelter yn cynnig cyngor cyfrinachol am ddim ar dai, dyledion, budd-daliadau lles, anghenion iechyd a gofal (gan gynnwys hawliau anabledd). Yn Lloegr, ffoniwch 0808 800 4444 os hoffech gael cyngor cyffredinol. Yng Nghymru, ffoniwch 0845 075 5005.

• Cyfeiriadur gwasanaethau cynghori Shelter Opens new window

• Gwefan Shelter Cymru Opens new window

AdviceUK

Rhwydwaith o ganolfannau cynghori annibynnol ar gyfer pobl sy’n byw yng Nghymru, yr Alban a Lloegr yw AdviceUK. I ddod o hyd i’ch asiantaeth agosaf, ewch i wefan AdviceUK neu ffoniwch 020 7407 4070.

• Ymweld â gwefan AdviceUK Opens new window

Eich awdurdod lleol

Mae rhai awdurdodau lleol yn cynnig gwasanaeth cwnsela ar ddyledion yn rhad ac am ddim. Gallwch weld a yw'ch awdurdod lleol yn cynnig hyn drwy ddilyn y ddolen isod. Gofynnir i chi roi manylion ble'r ydych yn byw, ac yna cewch eich arwain at wefan eich awdurdod lleol ble cewch ragor o wybodaeth.

• Cael gwybod am wasanaeth cwnsela ar ddyledion Opens new window

Canolfannau Cyfraith

Os oes rhywun yn bygwth cymryd camau cyfreithiol yn eich erbyn a’ch bod yn gymwys i gael Cymorth Cyfreithiol, efallai yr hoffech gael cyngor annibynnol am ddim gan y Ganolfan Gyfraith leol.

• Dod o hyd i'ch Canolfan Gyfraith leol Opens new window

• Cymdeithas Canolfannau Cyfraith yr Alban Opens new window

Advice NI

Mae gwefan Advice NI yn rhoi rhestr o ganolfannau cynghori ar gyfer pobl sy’n byw yng Ngogledd Iwerddon.

• Advice NI Opens new window