Gwefan llywodraeth y DU

Pryd i gwyno

Os ydych wedi cael profiad gwael, rhowch wybod i'r Swyddfa Budd-dal Plant cyn gynted ag y bo modd. Efallai y byddwch am gwyno am y pethau hyn:

• oedi afresymol
• camgymeriad y gellid bod wedi’i osgoi yn eich barn chi
• y ffordd y cawsoch eich trin

Mae'r Swyddfa Budd-dal Plant yn awyddus i ddysgu o gamgymeriadau ac i gywiro pethau cyn gynted â phosib.

Sut mae cwyno – y camau cyntaf

Gallwch gwyno:

• ar-lein drwy ddilyn y ddolen isod – rhowch y gair ‘Cwyn/Complaint’ fel y peth cyntaf yn y blwch sy’n gofyn am eich cwestiwn
• drwy ffonio’r Llinell Gymorth Budd-dal Plant
• drwy ysgrifennu at y Swyddfa Budd-dal Plant/Child Benefit Office – rhowch y gair ‘Cwyn/Complaint’ ar frig y llythyr

• Anfon eich cwyn Budd-dal Plant ar-lein Opens new window

• Manylion cyswllt am Fudd-dal Plant Opens new window

Pan fyddwch yn cwyno, gwnewch yn siwr eich bod yn darparu, neu’n fodlon rhoi:

• eich enw a'ch cyfeiriad llawn
• eich rhif Yswiriant Gwladol
• y rhif cyfeirnod diwethaf a ddefnyddiodd y Swyddfa Budd-dal Plant wrth gysylltu â chi
• rhif ffôn cyswllt a'r amser gorau i gysylltu â chi os yw'n bosib, neu gyfeiriad e-bost

Dywedwch bopeth y gallwch am eich cwyn wrth y Swyddfa Budd-dal Plant, gan gynnwys:

• beth aeth o'i le
• pryd y digwyddodd
• gyda phwy y gwnaethoch ddelio
• sut yr hoffech ddatrys y gŵyn

Bydd y Swyddfa Budd-dal Plant yn ystyried eich pryderon ac yn cysylltu â chi - fel arfer o fewn 15 diwrnod gwaith. Maent yn ceisio datrys y rhan fwyaf o gwynion ar y cam hwn.

Os ydych am fynd â’ch cwyn ymhellach

Os ydych yn anhapus ag ymateb y Swyddfa Budd-dal Plant, gallwch ofyn i Dîm Cwynion y Cyfarwyddwr ailedrych ar eich cwyn. Gallwch wneud hyn drwy:

• anfon y gŵyn ar-lein at y Tîm Cwynion dan y pennawd 'Cwyn at sylw'r Cyfarwyddwr/Complaint for the Director' yn y blwch sy’n gofyn am eich cwestiwn
• drwy ffonio’r Llinell Gymorth Budd-dal Plant
• ysgrifen at y Cyfarwyddwr yn y Swyddfa Budd-dal Plant - rhowch ‘Cwyn/Complaint’ ar frig y llythyr

• Anfon cwyn ar-lein i Gyfarwyddwr y Swyddfa Budd-dal Plant Opens new window

• Manylion cyswllt am Fudd-dal Plant Opens new window

Bydd angen i chi ddarparu'r canlynol:

• eich enw a'ch cyfeiriad llawn
• eich rhif Yswiriant Gwladol
• y rhif cyfeirnod diwethaf a ddefnyddiodd y Swyddfa Budd-dal Plant wrth gysylltu â chi
• rhif ffôn cyswllt a'r amser gorau i gysylltu â chi os yw'n bosib, neu gyfeiriad e-bost
• y rhesymau pam nad ydych yn hapus â'r ymateb rydych wedi'i gael hyd yn hyn

Os ydych dal yn anhapus

Os ydych yn anhapus â phenderfyniad y Cyfarwyddwr, gallwch ofyn i'r Dyfarnwr ymchwilio i'ch cwyn. Mae'r Dyfarnwr yn ganolwr teg a diduedd ac mae ei argymhellion yn annibynnol.

Bydd y Dyfarnwr yn edrych ar eich cwyn dim ond ar ôl i chi’n gyntaf geisio ei datrys gyda’r Swyddfa Budd-dal Plant.

• Ymweld â Gwefan Swyddfa'r Dyfarnwr Opens new window

Gallwch hefyd ofyn i unrhyw AS gyfeirio’ch achos at yr Ombwdsmon Seneddol a Gwasanaeth Iechyd.

Bydd yr Ombwdsmon fel arfer yn disgwyl bod eich cwyn wedi cael ei hystyried gan y Swyddfa Budd-dal Plant a’r Dyfarnwr, cyn iddynt hwy ystyried eich achos.

Gallwch hefyd ofyn i'ch AS godi'ch achos gyda'r Swyddfa Budd-dal Plant neu Weinidogion y Trysorlys.

• Ewch i wefan yr Ombwdsman Seneddol a Gwasanaeth Iechyd Opens new window

Beth i’w ddisgwyl gan y Swyddfa Budd-dal Plant pan fyddwch chi'n cwyno

Mae'r Swyddfa Budd-dal Plant yn awyddus i'ch helpu os ydych am wneud cwyn, a byddant yn eich trin mewn modd cyfeillgar a phroffesiynol.

Byddant:

• yn rhoi gwybod i chi eu bod wedi cael eich cwyn, pwy fydd yn delio â hi a phryd y byddant yn ymateb
• yn cymryd eich cwyn o ddifrif ac yn ei thrin yn gyfrinachol
• ddim yn eich trin chi'n wahanol i bobl eraill am eich bod wedi cwyno
• ddim yn gwahaniaethu yn eich erbyn am unrhyw reswm

Hawlio costau yn ôl

Efallai y gallwch adhawlio costau rhesymol a achoswyd gan gamgymeriadau y Swyddfa Budd-dal Plant, megis:

• postio
• galwadau ffôn
• costau teithio
• ffioedd proffesiynol
• taliadau ariannol

Mae'n bosib y bydd y Swyddfa Budd-dal Plant yn rhoi taliad bach i chi:

• os gwnaethant achosi llawer o boen meddwl neu drallod i chi
• os deliwyd â'ch cwyn mewn ffordd annerbyniol
• os gwnaethant gymryd gormod o amser i ddelio â'ch cwyn

Mwy o ddolenni defnyddiol

• Lawrlwytho ‘Cwynion’ (PDF, 67K) Opens new window

• Cymorth gyda ffeiliau PDF

• Apelio yn erbyn penderfyniad ynghylch Budd-dal Plant

Cysylltiadau defnyddiol

• Manylion cyswllt Budd-dal Plant