Gwefan llywodraeth y DU

Cael gwybod am orsafoedd newydd ar gyfer ffonau symudol a rhoi sylwadau amdanynt

Bob hydref, bydd Cymdeithas y Gweithredwyr Ffonau Symudol (MOA) yn anfon copi o gynlluniau gan y pum prif weithredwr rhwydwaith (3, O2, Orange, T-Mobile a Vodafone) i awdurdodau cynllunio lleol ar gyfer gorsafoedd ffonau symudol newydd yn eu hardaloedd. I gael gwybod am y cynlluniau hyn ac i gael manylion am unrhyw ymgynghoriadau cyhoeddus a allai fod ar y gweill cysylltwch â'ch cyngor lleol.

Gallwch ddefnyddio'r ddolen isod a fydd yn gofyn i chi roi manylion eich cyfeiriad ac yn mynd â chi at wefan eich cyngor lleol lle gallwch gael mwy o wybodaeth.

• Cael gwybod am ganiatâd cynllunio'n lleol Opens new window

Gallwch hefyd ddod o hyd i wybodaeth am geisiadau cynllunio yn eich ardal drwy ddefnyddio'r porth cynllunio.

• Chwilio am geisiadau cynllunio ar y Porth Cynllunio Opens new window

Mae'r pum prif weithredwr ffonau symudol, llywodraeth leol a llywodraeth ganol a Chymdeithas y Gweithredwyr Ffonau Symudol, wedi ffurfio cod arferion gorau sy'n amlinellu sut y byddant yn rhoi gwybod am eu cynlluniau ar gyfer mastiau newydd ac yn ymgynghori â phobl leol yn eu cylch.

• Y Cod Arferion Gorau ar Ddatblygu Rhwydweithiau Ffonau Symudol Opens new window

• Cymdeithas y Gweithredwyr Ffonau Symudol Opens new window

Allyriadau o fastiau

Bydd gorsafoedd ffonau symudol yn anfon ac yn derbyn signalau radio er mwyn cysylltu â ffonau symudol. Mae'r Comisiwn Rhyngwladol dros Amddiffyn rhag Ymbelydredd nad yw'n Ioneiddio (ICNIRP) yn nodi canllawiau ar lefel yr allyriadau amledd radio y gall pobl ddod i gysylltiad â hwy. Mae pob gorsaf ffonau symudol yn y DU yn gorfod cydymffurfio â chanllawiau allyriadau amledd radio'r Comisiwn. Fel arfer, bydd allyriadau amledd radio'r gorsafoedd dipyn yn is na'r lefelau arbennig gan ICNIRP.

Bob blwyddyn, bydd y Swyddfa Gyfathrebiadau (OFCOM) yn cynnal archwiliadau ar rai safleoedd sensitif gerllaw gorsafoedd drwy fesur yr allyriadau amledd radio. Yna, cyhoeddir adroddiad o'r canfyddiadau, a gellir gweld y canfyddiadau hynny ar ei gwefan.

Os ydych chi'n poeni am fast ffôn neu orsaf ffonau symudol yn eich ardal leol, gallwch wneud cais i OFCOM ystyried archwilio safle. Ni chodir unrhyw dâl am y gwasanaeth hwn.

Mae gan OFCOM gronfa ddata ar-lein o leoliadau gorsafoedd ffonau symudol.

• Dod o hyd i fastiau ffonau symudol yn eich ardal

• Cronfa ddata gorsafoedd ffonau symudol OFCOM ac adroddiadau archwiliadau Opens new window

Ffonau symudol ac iechyd

Mae llawer o waith ymchwil wedi'i gynnal i effeithiau posib defnyddio a bod mewn cysylltiad â ffonau symudol a gorsafoedd ffonau symudol. Yn 2000, mewn adroddiad gan y llywodraeth, a luniwyd gan y Grŵp Arbenigol Annibynnol ar Ffonau Symudol (IEGMP), daethpwyd i'r casgliad nad oedd y dystiolaeth a ddaeth i law yn awgrymu bod technolegau ffonau symudol yn peryglu iechyd poblogaeth gyffredinol y DU'.

Cyhoeddwyd adroddiad yn rhoi crynodeb o'r canfyddiadau ymchwil annibynnol ddiweddaraf ar 12 Medi 2007, a gellir ei weld ar wefan Ffonau Symudol ac Ymchwil Iechyd (MTHR).

• Darllenwch yr adroddiad IEGMP ar ymbelydredd ffonau symudol Opens new window

• Darllen yr adroddiad IEGMP ar ymbelydredd ffonau symudol Opens new window

Yr Asiantaeth Diogelu Iechyd yw'r prif gorff sy'n gyfrifol am ddarparu cyngor a gwybodaeth am effeithiau defnyddio a bod mewn cysylltiad â ffonau symudol a gorsafoedd ffonau symudol. Ar wefan yr Asiantaeth gellir cael gwybodaeth fanwl am lefelau ymbelydredd cyffredinol o ffonau symudol a'r lefelau ar gyfer y sawl sy'n byw gerllaw gorsafoedd ffonau symudol.

• Asiantaeth Diogelu Iechyd – ymbelydredd iechyd o ffonau symudol Opens new window

Mwy o ddolenni defnyddiol

• Dod o hyd i’ch cyngor lleol

• Cael gwybod am bolisïau telathrebu yng Ngogledd Iwerddon Opens new window

• Cael gwybod am bolisïau telathrebu yn yr Alban Opens new window