Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

Y cartref a’r gymuned - Nodwch, os gwelwch yn dda, na ddiweddarir yr adran hon bellach

Y cartref a’r gymuned

Derbyn teledu digidol

Cewch wybod yma sut allwch chi dderbyn teledu digidol yn eich cartref.

Sut mae derbyn teledu digidol

Gallwch gael signal teledu digidol drwy:

  • erial - sef teledu daearol digidol
  • teledu lloeren
  • cysylltiad teledu cebl
  • llinell ffôn - band eang neu linell tanysgrifio digidol

Nid yw'r holl ddewisiadau hyn ar gael ym mhob ardal. Ni fydd rhai ardaloedd yn gallu derbyn teledu digidol drwy erial hyd nes bydd y newid o ddaearol i ddigidol wedi digwydd ac ni fydd rhai yn gallu derbyn y gwasanaeth drwy linell ffôn. Os ydych chi am wybod pa ddewisiadau sydd ar gael yn eich ardal chi, gallwch ofyn mewn siop drydanol leol neu defnyddiwch y gronfa ddata cod post ar wefan Digital UK.

Pan fyddwch wedi penderfynu ar sut i dderbyn signal teledu digidol, bydd rhaid i chi benderfynu beth i'w wneud gyda'ch set deledu. Bydd angen i chi ystyried pob set deledu yr ydych yn eu defnyddio i wylio teledu. Mae gennych ddau ddewis:

  • gallwch drosi'r set deledu sydd gennych nawr i dderbyn signal digidol drwy blygio blwch digidol i gefn y set deledu - gellir addasu'r rhan fwyaf o setiau teledu fel hyn
  • gallwch brynu set deledu newydd gyda blwch digidol yn rhan ohoni, sef set deledu ddigidol integredig (iDTV). Drwy wneud hyn gallwch dderbyn yr holl wasanaethau teledu digidol rhad ac am ddim sydd ar gael drwy erial

I gael cyngor ymarferol ynghylch dewis cynnyrch teledu digidol, ymwelwch â gwefan Ricability.

Erial

Ni fydd angen erial newydd ar y rhan fwyaf o gartrefi.

Os ydych yn dewis derbyn teledu digidol drwy erial ond rydych chi'n cael problemau gyda'ch hen erial - hyd yn oed os ydych mewn ardal sy'n derbyn signal da - bydd angen i chi sicrhau bod yr erial teledu a'r hyn a osodwyd yn addas ar gyfer teledu digidol. Holwch eich gosodwr erials lleol. Chwiliwch am osodwr sy'n perthyn i Gonffederasiwn y Diwydiannau Erials. O 2006 ymlaen, chwiliwch am y logo tic digidol i weld pa osodwyr sy'n cael eu hargymell - fe welwch hyn ar wefan Digital UK.

Rhannu erial

Os ydych chi'n rhannu erial gydag eraill, er enghraifft os ydych yn byw mewn bloc o fflatiau, yna efallai bod gennych deledu a rennir rhyngoch fel rhan o gynnwys y tw. Os yw hynny'n wir, bydd angen addasu'r set deledu i dderbyn teledu digidol. Mae'n siur bod eich landlord neu'ch asiant rheoli yn ymwybodol o hyn - holwch nhw am fwy o wybodaeth am yr hyn y maent yn bwriadu ei wneud.

Opsiynau teledu digidol yn eich ardal

Bydd mwy o ddewisiadau ar gyfer teledu digidol ar gael i gartrefi ar ôl y newid i deledu digidol. Ond bydd rhaid i chi ofyn yn eich siop drydanol leol neu droi at wefan Digital UK i weld pa ddewisiadau sydd ar gael yn eich ardal chi.

Mwy o wybodaeth

Digital UK yw'r corff annibynnol, dielw sy'n cydlynu'r broses o symud gwylwyr y DU o deledu daearol i deledu digidol. Bydd yn lansio rhaglen gymorth fawr i sicrhau bod pawb yn gwybod beth i'w wneud a phryd.

Gallwch ffonio llinell wybodaeth Digital UK ar 0845 6 50 50 50, neu gallwch gael rhagor o wybodaeth gan Digital UK.

In this section...

Allweddumynediad llywodraeth y DU