Mynd i'r prif gynnwys
Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Llywodraeth, dinasyddion a hawliau
Cwnsela a mathau eraill o gymorth i'ch perthynas
Os ydych yn cael amser anodd gyda'ch gŵr, eich gwraig neu'ch partner, gallech gael help i wella eich perthynas. Efallai y byddwch am gael cymorth di-enw ar-lein neu efallai y byddai'n well gennych gael cyngor wyneb yn wyneb. Mynnwch wybod ble gallwch gael help yn y ffordd sydd fwyaf addas i chi.
Pryd y gall cyngor a chwnsela helpu eich perthynas
Gallwch gael cyngor ar-lein neu wyneb yn wyneb
Os ydych o'r farn y gallech wneud pethau'n iawn eto, yn hytrach na dod â'ch perthynas i ben, mae nifer o sefydliadau a all helpu. Gallwch gael cyngor ar-lein neu wyneb yn wyneb.
Mae rhai o’r gwasanaethau yn rhad ac am ddim, a bydd yn rhaid i chi dalu am eraill.
Os ydych yn cael problemau gyda thrais yn y cartref
Nid yw trais yn y cartref yn ymwneud â rhywun yn eich taro yn unig. Gall hefyd olygu unrhyw drais seicolegol, corfforol neu emosiynol. Os oes unrhyw un o'r pethau hyn yn digwydd i chi, gallwch gael help a chefnogaeth arbenigol.
Cyngor a chymorth o ran perthnasau am ddim ar-lein
Mae Relate yn cynnig cyngor ar-lein i bobl briod, sydd mewn partneriaeth sifil neu sy’n byw gyda’i gilydd. Mae hefyd yn cynnig cyngor arbenigol i bobl iau, pobl hŷn a phobl mewn perthnasau o’r un rhyw.
Gall y wefan Couple Connection eich helpu chi i ddeall eich perthynas yn well a rhoi syniadau i chi ar sut i’w gwella. Gallwch hefyd rhannu eich profiadau a syniadau’n ddi-enw gyda phobl eraill sy’n cael problemau gyda’u perthynas.
Mae 2as1 yn cynnig cyngor a chymorth ar-lein ar faterion perthynas. Mae ganddo bwyslais penodol ar gefnogi pobl o leiafrifoedd ethnig.
Cyngor a chymorth ar-lein i rieni
Mae Relate for Parents yn cynnig cyngor arbenigol ar fod yn rhiant pan fo perthnasau teuluol yn anodd. Mae'n cynnig cyngor i rieni, llys-rieni a neiniau a theidiau.
Gall y wefan Parent Connection rhoi cyngor ar sut i ddelio â phroblemau yn eich perthynas pan ydych chi’n rhiant. Mae’n ymdrin â datrys problemau gyda’ch partner a’ch plant.
Mae’r wefan Family Lives yn ymdrin â chyngor a chefnogaeth ym mhob agwedd o fywyd teuluol, gan gynnwys pan nad yw perthnasau’n gweithio’n dda.
Cyngor ar-lein ac wyneb yn wyneb i bobl o leiafrifoedd ethnig
Mae 2as1 yn arbenigo mewn cynnig help a chyngor ar berthnasau i bobl o leiafrifoedd ethnig. Mae'n cynnig cyngor ar-lein am ddim, a chwnsela a chyngor ar-lein ac wyneb yn wyneb am ffi.
Cwnsela rhad neu am ddim ar berthnasau
Cwnsela wedi'i ariannu'n breifat ar berthnasau
Os ydych am ddefnyddio cynghorwr perthnasau annibynnol, gallwch sicrhau ei fod wedi'i gofrestru â Choleg Therapyddion Rhywiol a Pherthnasau. I gael rhestr lawn o'i haelodau, dilynwch y ddolen isod.
