Gwefan llywodraeth y DU

Camau i'w cymryd os byddwch yn dioddef gwahaniaethu yn eich erbyn

Fel cam cyntaf, efallai y dylech gael trafodaeth anffurfiol gyda'ch cyflogwr ynghylch eich anghenion a pham eich bod yn teimlo bod y gwaith yn camwahaniaethu yn eich erbyn. Atgoffwch eich cyflogwr am eich hawliau a'u cyfrifoldebau dan y Ddeddf Gwahaniaethu ar sail Anabledd.

Os na fydd y drafodaeth hon yn arwain at ganlyniad boddhaol, gallech gwyno am eich triniaeth trwy drefn gwyno fewnol eich cyflogwr.

Os ydych yn dal i fod yn anfodlon, gallwch gysylltu â'r Comisiwn Hawliau Anabledd neu Acas (Y Gwasanaeth Cynghori, Cymodi a Chyflafareddu), neu ddilyn 'Y Drefn Gwestiynau' neu gwyno wrth Dribiwnlys Cyflogaeth.

Os ydych dal eisiau gwneud cwyn i’r Tribiwnlys Cyflogaeth, mae’n rhaid i chi wneud hynny o fewn tri mis i’r dyddiad o’r digwyddiad o wahaniaethu.

Cymorth a chyngor o’r Gwasanaeth Cynghori, Cymodi a Chyflafareddu (Acas)

Nod Acas yw gwella sefydliadau a bywyd gwaith drwy wella cysylltiadau cyflogaeth. Mae’n darparu'r wybodaeth ddiweddaraf, cyngor annibynnol ac hyfforddiant o ansawdd da. Mae’r gwasanaeth yn gweithio gyda'r cyflogwyr a'r gweithwyr i ddatrys problemau a gwella perfformiad.

• Acas (Advisory, Conciliation and Arbitration Service) Opens new window

Cymorth a chymorth wrth y Comisiwn Hawliau Anabledd

Mae'r Comisiwn Hawliau Anabledd (CHA) yn rhoi cyngor i bobl anabl am eu hawliau cyflogaeth dan y Ddeddf Gwahaniaethu ar sail Anabledd. Gall helpu hefyd os ydych am gwyno wrth Dribiwnlys Cyflogaeth.

Fel cam cyntaf, cysylltwch â'r llinell cymorth CHA

Ffôn: 08457 622 633

Ffon testun: 08457 622 644

Ffacs: 08457 778 878

Mae'r llinellau ar agor rhwng 8.00am a 8.00pm (dydd Llun i ddydd Gwener).

• Mwy am y Ddeddf Gwahaniaethu ar Sail Anabledd

Y Drefn Gwestiynau

Er mwyn dilyn y Drefn Gwestiynau, rhaid i chi gael copi o holiadur y Ddeddf Gwahaniaethu ar sail Anabledd. Rhaid llenwi'r holiadur o fewn tri mis i'r driniaeth yr ydych yn cwyno amdani.

Rhaid i chi lenwi rhan gyntaf yr holiadur hwn eich hun, gan nodi'r rhesymau pam y teimlwch i chi ddioddef camwahaniaethu yn eich erbyn, a gofyn i'ch cyflogwr roi sylwadau ar eich honiad. Rhaid i chi wedyn ofyn i'ch cyflogwr ymateb i'r holiadur.

Pa un a ydych yn cytuno â hwy neu beidio, dylai atebion eich cyflogwr yn yr holiadur eich helpu i benderfynu a allwch setlo'r anghydfod neu a oes angen cwyno wrth Dribiwnlys Cyflogaeth.

Mae holiadur y Ddeddf ar gael gan Y Comisiwn Cydraddoldeb a Hawliau Dynol a rhai Canolfannau Cyngor ar Bopeth.

Gall Gwasanaeth y Tribiwnlys Cyflogaeth roi gwybodaeth am gyhoeddiadau'r tribiwnlys, esbonio sut mae'r system tribiwnlys yn gweithio ac ateb ymholiadau cyffredinol am faterion yn ymwneud â'r tribiwnlys. I gael copïau o daflenni rhad ac am ddim Gwasanaeth y Tribiwnlys Cyflogaeth, ffoniwch y llinell gymorth rhwng 9.00 am a 5.00 pm o ddydd Llun i ddydd Gwener.

Ffôn: 08457 959 775

Ffôn testun: 08457 573 722

• Gwefan Y Gwasanaeth Tribiwnlysoedd Cyflogaeth Opens new window

• Y Comisiwn Cydraddoldeb a Hawliau Dynol Opens new window

• Gwefan Canolfan Cyngor ar Bopeth Opens new window

• Gwefan Y Gwasanaeth Tribiwnlysoedd Cyflogaeth Opens new window

• Y Comisiwn Cydraddoldeb a Hawliau Dynol Opens new window

• Gwefan Canolfan Cyngor ar Bopeth Opens new window