Gwefan llywodraeth y DU

Cael eich plentyn yn ôl

Bydd eich siawns o gael eich plentyn yn ôl yn dibynnu ar arferion a chyfreithiau'r wlad yr aethpwyd â'ch plentyn iddi, yn ogystal ag agwedd y person sydd wedi cipio'r plentyn, a'ch perthynas â'r person hwnnw.

Mae'r Swyddfa Dramor a Chymanwlad yn rhoi cyngor am beth i'w wneud ac â phwy i gysylltu os oes rhywun wedi cipio'ch plentyn ac wedi mynd ag ef dramor, neu os ydych yn ofni y gallai hyn ddigwydd. Gall hefyd roi cyngor ymarferol wrth ddelio ag awdurdodau dramor, oherwydd mae angen deall a gwerthfawrogi gwahaniaethau diwylliannol.

Gall y Swyddfa Dramor a Chymanwlad wneud y canlynol:

• rhoi rhestr i chi o dwrneiod tramor sy'n siarad Saesneg - bydd rhai ohonynt yn arbenigwyr ym maes cyfraith teulu
• cysylltu ag Interpol yn y DU ac awdurdodau tramor i helpu i olrhain y plentyn
• ymweld â phlentyn i wneud yn siŵr bod y plentyn yn ddiogel pan fydd hynny'n bosib, a chyda caniatâd y rhiant arall
• cael adroddiad lles ar ôl canfod lle mae'r plentyn, gyda chaniatâd y rhiant arall
• rhoi pwysau ar y llysoedd dramor i ddelio ag achos llys mor sydyn ag y bo modd er lles gorau'r plentyn, a chyda caniatâd y Llys yn y DU
• tynnu sylw'r llysoedd dramor at unrhyw orchmynion llys yn y DU, os oes rhai
• helpu i sefydlu llinellau cyfathrebu rhyngoch chi, rhiant arall y plentyn a'ch plentyn, a chadw'r llinellau cyfathrebu hynny'n agored
• rhoi cyngor am deithio a helpu i ddod o hyd i lety diogel yn lleol
• darparu cyfieithiadau answyddogol o ddogfennau pwysig ambell waith, dim ond mewn amgylchiadau eithriadol
• mynd i wrandawiadau llys, mewn achosion eithriadol

Ni all y Swyddfa Dramor a Chymanwlad wneud y canlynol:

• Mwy o wybodaeth a chyngor am gipio plant gan y Swyddfa Dramor a Chymanwlad Opens new window

• Ceisiadau am basbort ac achosion o gipio plant

• Is-genadaethau a llysgenadaethau (adran Prydeinwyr sy'n byw dramor)

• Dod o hyd i dwrneiod sy’n siarad Saesneg dramor Opens new window

• Elusen Reunite Opens new window