Gwefan llywodraeth y DU

Gallwch godi materion gyda’ch tîm plismona cymdogaeth:

• wyneb-yn-wyneb mewn cyfarfod cymunedol
• drwy siarad gyda swyddog pan mae allan ‘ar y bît’
• drwy alw i mewn i’w gweld neu eu ffonio nhw
• drwy e-bostio’r tîm

Bydd yr Heddlu a chi yn cytuno ar sut y gallant leddfu eich pryderon neu ddelio â’ch cwyn ac yn rhoi gwybod i chi am unrhyw ddatblygiadau. Dewch o hyd i fanylion cyswllt eich heddlu lleol a’ch tîm plismona cymdogaeth drwy ddefnyddio’r ddolen isod.

• Dod o hyd i heddlu, tîm plismona cymdogaeth neu awdurdod heddlu

Gyda phwy arall alla i siarad?

Am droseddu

Os nad ydych chi’n dymuno siarad â’ch tîm plismona cymdogaeth, neu os nad ydych chi’n fodlon â’r ymateb yr ydych wedi ei gael, gallwch chi gysylltu â phencadlys eich heddlu.

Gallwch chi hefyd fynd at eich awdurdod heddlu lleol. Gall fod gan wahanol awdurdodau wahanol weithdrefnau ar gyfer delio gyda’ch problem. Ni waeth pa lwybr a ddewiswch chi, dylai rhywun gysylltu â chi o fewn 24 awr gan ddweud wrthych chi beth sy'n mynd i ddigwydd nesaf.

Am ymddygiad gwrthgymdeithasol

Os ydych chi'n pryderu ynghylch ymddygiad gwrthgymdeithasol, gallwch chi gysylltu hefyd â’ch cyngor lleol. Mae gan bob cyngor dîm sy’n gweithio gyda’ch tîm plismona cymdogaeth lleol i ddelio gydag ymddygiad gwrthgymdeithasol. Yn ogystal, bydd ganddynt drefn gwyno os nad ydych chi’n hapus.

Gallwch chi siarad hefyd â chydlynydd ymddygiad gwrthgymdeithasol eich cyngor am y mater.

• Cymdeithas Awdurdodau’r Heddlu Opens new window

Ond beth os ydw i'n dal yn anhapus gyda'r ffordd y deliwyd â phethau neu beth os yw fy nghwyn yn un ddifrifol iawn?

Efallai na all rhai materion gael eu datrys gan eich awdurdod heddlu neu eich heddlu lleol, neu efallai nad ydych chi’n teimlo eu bod yn ymateb yn ddigonol i’r materion yr ydych chi wedi eu codi. Efallai y bydd angen math gwahanol o weithredu ar gyfer y sefyllfaoedd hyn.

Os bydd sefyllfaoedd o’r fath yn codi, a bod eich cwyn chi’n ymwneud â pherson sy’n gweithio i’r heddlu, gallwch chi gwyno’n uniongyrchol i Gomisiwn Cwynion Annibynnol yr Heddlu. Gallwch chi hefyd apelio i’r Comisiwn os nad ydych chi’n credu yr ymchwiliwyd i’ch cwyn yn briodol nac iddi gael ei datrys yn gywir gan eich awdurdod neu eich heddlu lleol.

Corff yw Comisiwn Cwynion Annibynnol yr Heddlu sydd â chyfrifoldeb cyffredinol dros y cwynion am yr heddlu.

Os yw eich cwyn chi’n ymwneud â materion eraill, megis y ffordd y caiff eich ardal chi ei phlismona yn gyffredinol, ac os nad ydych chi’n credu ei bod wedi ei datrys yn iawn, gallwch chi ysgrifennu at Brif Gwnstabl eich awdurdod heddlu neu eich heddlu lleol. Mae hyn yn cynnwys materion yn ymwneud ag ymddygiad gwrthgymdeithasol. Yna, mae’n bosib y byddant yn dwyn sylw Comisiwn Cwynion Annibynnol yr Heddlu at hyn.

Gall y Comisiwn adolygu nifer fach o achosion i sicrhau fod yr heddlu a’r awdurdodau yn delio â chwynion yn deg ac yn effeithiol.

Am faterion yn ymwneud ag ymddygiad gwrthgymdeithasol, gallwch chi gysylltu hefyd â’ch cynghorydd lleol, neu ag ombwdsmon llywodraeth leol. Maent yn edrych ar gwynion am gynghorau a rhai awdurdodau eraill.

• Comisiwn Cwynion Annibynnol yr Heddlu Opens new window

• Ombwdsmon Llywodraeth Leol Opens new window