Gwefan llywodraeth y DU

‘Working together’ – pecyn dysgu ar gyfer rhieni plant rhwng 5 a 10 oed

Mae’r pecyn hwn yn cynnwys amrywiaeth o gemau a gweithgareddau i'ch helpu i gyfrannu at addysg eich plentyn yn ystod ei flynyddoedd cynnar yn yr ysgol. Mae'n cynnwys:

• cyfarwyddiadau ar sut i wneud gêm ‘melin bupur’ i blant drwy blygu papur – gêm sydd wedi’i chynllunio i annog plant i ofyn cwestiynau ac i’ch annog i wneud gweithgareddau â’ch plentyn
• gêm gardiau sy’n cynnwys cwestiynau i chi eu gofyn i’ch plentyn am yr ysgol ac am yr hyn mae'n ei ddysgu
• nod tudalen y gall eich plentyn ei liwio a’i gadw
• sticeri a siart wal defnyddiol i’ch helpu i gofnodi ac i wobrwyo datblygiad addysg eich plentyn o fis i fis
• cyngor da i rieni

• Download ‘Working together’ (PDF, 2204K)

‘Getting into homework’ – pecyn ffolder ar gyfer rhieni plant rhwng 8 a 13 oed

Mae’r ffolder hon yn cynnig amrywiaeth o awgrymiadau a chyngor da ynghylch sut i helpu plant gyda'u gwaith cartref. Mae hefyd yn cynnwys gwybodaeth am y Cwricwlwm Cenedlaethol a’r cyfnodau allweddol er mwyn sicrhau eich bod yn cael yr wybodaeth ddiweddaraf am addysg eich plentyn.

Mae’r pecyn ffolder yn ganllaw cyflawn i helpu gydag addysg eich plentyn gartref.

• Download ‘Getting into homework’ (PDF, 1052K)

‘Coaching your teenager’ – llyfryn i helpu rhieni pobl ifanc rhwng 14 a 19 oed

Weithiau, gall fod yn anoddach cyfrannu at addysg pobl ifanc, ond bwriedir i'r llyfryn hwn eich helpu i wneud hynny. Mae’n darparu’r canlynol:

• cyngor ac awgrymiadau hyfforddi i’w helpu i wneud yn fawr o’r cyfnod yn yr ysgol neu’r coleg
• awgrymiadau ar gyfer dechrau sgwrs
• cyngor ar sut mae magu digon o hyder i gyfrannu, a ble y gallwch gael mwy o wybodaeth

Mae'r un mor bwysig eich bod yn dangos diddordeb yng ngwaith eich plentyn pan fydd yn ei arddegau â phan oedd yn ifanc. Gall rhieni a gofalwyr sy’n gweithio fel tîm gyda’u plentyn ei helpu i fod yn bositif ac i gadw ar y trywydd iawn i gael y dyfodol gorau posib.

• Download ‘Coaching your teenager’ (PDF, 2905K)

Eich adborth

Helpwch yr Adran Addysg i wella’r pecynnau hyn – byddent yn falch o gael adborth gennych. A oeddent yn ddefnyddiol, ac a oes gennych unrhyw syniadau ar gyfer sut gellir eu gwella? Beth oedd barn eich plentyn?

Anfonwch unrhyw sylwadau dros yr e-bost at: parental-engagement@prolog.uk.com.