Gwefan llywodraeth y DU

Cael trefn ar waith cwrs

Gall llawer o'r pynciau y byddwch yn eu hastudio ym Mlynyddoedd 10 i 13 gynnwys elfen sylweddol o waith cwrs, felly mae'n bwysig i chi wneud eich gorau os ydych chi'n dymuno cael graddau da.

Rydych chi'n llawer mwy tebygol o wneud yn dda os ydych:

• yn dewis testunau sy'n ddiddorol yn eich barn chi - bydd hyn yn eich ysgogi wrth i chi fynd ymlaen
• yn cael trefn ar eich pethau - ceisiwch gynllunio'ch prosiectau'n ofalus a rhoi digon o amser i'ch hun i wneud eich gwaith i gyd
• yn gwneud yn siŵr eich bod yn dod o hyd i rywle distaw i adolygu
• yn ymchwilio eich testunau'n ofalus - gwnewch yn siŵr eich bod yn cwblhau'ch gwaith ymchwil cyn dechrau ysgrifennu
• yn ysgrifennu eich gwaith cwrs yn eglur ac yn daclus - edrychwch dros eich sillafu, eich gramadeg a'ch atalnodi, a cheisiwch ganfod a oes angen i chi gadw'ch gwaith i nifer penodol o eiriau

Pethau i'w hosgoi

Yn yr un modd, ceir rhai pethau pendant na ddylech eu gwneud os ydych am roi'r cyfle gorau i chi'ch hun wneud yn dda.

• peidiwch â gadael pethau tan y munud olaf
• peidiwch â dechrau ysgrifennu cyn i chi gwblhau eich gwaith ymchwil
• peidiwch â mynd dros y cyfyngiad geiriau
• peidiwch â cheisio gwylio'r teledu yr un pryd
• peidiwch â rhuthro
• peidiwch â chopïo na llên-ladrata

Llên-ladrad – beth ydyw a sut i'w osgoi

Mae'n bwysig iawn mai eich gwaith chi eich hun yw'r gwaith cwrs yr ydych yn ei gynhyrchu. Twyllo yw copïo darnau mawr o destun a chymryd arnoch mai chi sydd wedi eu hysgrifennu - fe'i gelwir yn 'llên-ladrad'.

Gallwch fod yn euog o lên-ladrad os ydych chu'n copïo o ffynonellau fel y rhain:

• y rhyngrwyd
• llyfrau
• rhaglenni cyfrifiadur
• eich ffrindiau neu aelodau o'ch teulu
• aelodau o'ch teulu
  

Os ydych yn syml yn copïo gwaith rhywun arall, mae'n debygol na fyddwch yn ei ddeall yn iawn. Gallech fynd i drwbl gwirioneddol os yw'ch gwaith cwrs yn gysylltiedig ag arholiadau y mae'n rhaid i chi eu sefyll yn nes ymlaen yn y cwrs.

Beth bynnag ydych chi'n ei feddwl, gellir adnabod llên-ladrad yn hawdd, gan fod arddulliau pobl o ysgrifennu'n gallu bod yn unigryw iawn. Ceir nifer o raglenni cyfrifiadur hefyd sy'n gallu helpu athrawon, tiwtoriaid a byrddau arholi i sylwi ar lên-ladrad.

Os byddwch yn cael ei dal

Yn ogystal â bod yn anonest ac yn annheg tuag at y person yr ydych yn copïo ei waith, gall llên-ladrata eich rhoi mewn trwbl. Efallai y cewch chi rybudd, efallai y gostyngir eich gradd derfynol, neu efallai y cewch eich diarddel o'r cymhwyster yn gyfan gwbl hyd yn oed.

Cadw at y rheolau

Pan fyddwch yn cael aseiniad gwaith cwrs, efallai y byddwch yn dymuno rhannu syniadau neu wneud rhywfaint o waith ymchwil gydag aelod arall o'ch dosbarth. Mae hyn yn iawn, ond mae'n rhaid i chi wneud yn siŵr eich bod yn ysgrifennu'ch gwaith ar eich pen eich hunain.

Os ydych chi'n dyfynnu testun o ffynonellau eraill, rhaid i chi bob amser ddweud o ba le mae wedi dod, a phwy sydd wedi ei ysgrifennu.

Angen cymorth a chyngor am waith cwrs?

Os ydych chi'n cael trafferthion â gwaith cwrs, y peth gorau i'w wneud yn aml yw siarad â'ch athrawon.

Gallwch gael llawer o gymorth ar-lein hefyd. Mae gwefannau Bitesize a Schools y BBC yn llawn awgrymiadau a syniadau da ar gyfer gwaith cwrs, gwaith cartref ac adolygu.

• BBC: Bitesize Opens new window

• BBC: Schools Opens new window

Connexions Direct

Mae Connexions Direct yn darparu cyngor ar gyfer pobl ifanc rhwng 13 a 19 oed am bopeth sy'n gysylltiedig â dysgu a chymwysterau.

• Gwaith cwrs a mathau eraill o asesiadau – awgrymiadau gan Connexions Direct Opens new window

• Cysylltu â Connexions Direct