Gwefan llywodraeth y DU

Hysbysiad Prosesu Teg DSA

Yr Adran Drafnidiaeth (DfT) yw’r rheolydd data ar gyfer gwybodaeth bersonol a gesglir gan DSA. Mae DSA yn un o asiantaethau gweithredol yr Adran Drafnidiaeth, ac felly mae'n rheoli'n uniongyrchol yr holl wybodaeth bersonol y mae'n ei chasglu a'i phrosesu.

Prosesu eich data personol

Yn bennaf, bydd gwybodaeth bersonol yn cael ei phrosesu er mwyn:

• cofrestru ymgeiswyr
• casglu taliadau
• cadarnhau pwy ydych chi a chadarnhau eich hawliau
• darparu profion (gan gynnwys y canlyniadau)
• creu gwybodaeth rheoli, gan gynnwys dadansoddiadau ac ymchwil i wella diogelwch ar y ffyrdd, gwasanaeth i gwsmeriaid a boddhad cwsmeriaid

Mae’n rhaid i DSA wneud yn siŵr bod y prawf gyrru a’r gofrestr o hyfforddwyr gyrru cymeradwy yn gywir. Mae’n bosib y caiff eich data personol ei brosesu yn ystod ymchwiliadau DSA i dwyll a gonestrwydd. Gallai DSA ddefnyddio’r data personol y byddwch yn ei ddarparu at ddibenion atal neu ganfod troseddau, a dal neu erlyn troseddwyr.

Defnyddir gwybodaeth bersonol hefyd i ddarparu cysylltiadau ar gyfer dilysu trwyddedau gyrru a'u darparu'n gyfreithlon. Asiantaeth Trwyddedu Gyrwyr a Cherbydau (DVLA) y DU sy’n gwneud hyn.

Casglu manylion cardiau credyd a debyd

Bydd manylion eich cerdyn credyd neu ddebyd yn cael eu cyflwyno drwy weinydd diogel gan ddefnyddio amgryptiad sy’n safonol i’r diwydiant. Bydd manylion eich cerdyn credyd yn cael eu cadw am hyd at saith mlynedd yn ôl yr angen, at ddibenion cyfrifo. Defnyddir yr wybodaeth hon at y dibenion canlynol yn unig:

• prosesu taliadau
• cadw cyfrifon
• atal a chanfod trosedd
• dal ac erlyn troseddwyr

Trydydd Partïon

Ni chaiff data personol ei ddatgelu i drydydd partïon, na’i rannu â nhw, oni bai mewn cydymffurfiad â Deddf Diogelu Data 1998. Gallai hyn gynnwys, ond nid yw wedi ei gyfyngu i, ddatgeliadau i’r heddlu, Cyllid a Thollau EM a llywodraethau lleol.

Rhagor o wybodaeth

Gallwch anfon eich ymholiadau ynghylch diogelu data dros e-bost i DSA: dataprotection@dsa.gsi.gov.uk

Mwy o ddolenni defnyddiol

• Gwefan Swyddfa'r Comisiynydd Gwybodaeth Opens new window