Gwefan llywodraeth y DU

Trosolwg

Mae'r Cynllun Digolledu am Anafiadau Troseddol yn caniatáu i ddyfarniadau ariannol gael eu gwneud:

• i gydnabod yr anafiadau, corfforol a meddyliol, a achosir gan drosedd dreisgar
• mewn rhai amgylchiadau, i ddigolledu am enillion a gollwyd yn y gorffennol neu a gaiff eu colli yn y dyfodol neu dreuliau arbennig a achosir gan drosedd o'r fath
• ar gyfer profedigaeth o ganlyniad i drosedd dreisgar gan gynnwys, mewn rhai achosion, digolledu am enillion a gollwyd gan yr unigolyn a gafodd ei ladd

Dim ond yng Nghymru, Lloegr a'r Alban y mae'r gwasanaeth hwn ar gael ac mae'n berthnasol i bob cais a dderbynnir gan yr Awdurdod Digolledu am Anafiadau Troseddol ar, neu ar ôl, 1 Ebrill 2001.

Sut i ddefnyddio'r gwasanaeth hwn

Er mwyn gwneud cais am iawndal o dan y Cynllun Digolledu am Anafiadau Troseddol, dylech:

• ddewis y math o ddyfarniad rydych am wneud cais amdano, naill ai dyfarniad anaf angheuol neu ddyfarniad anaf personol
• lawrlwytho ffurflen y gellir ai hargraffu (ar ffurf PDF) a'i hanfon drwy'r post i'r cyfeiriad ar frig y ffurflen gais

Cyn cwblhau ffurflen gais ar gyfer dyfarniad, sicrhewch fod gennych y canlynol:

• rhif Yswiriant Gwladol yr unigolyn a anafwyd
• rhif cyfeirnod trosedd a roddwyd gan yr heddlu ar gyfer y digwyddiad
• manylion am yr ysbyty, y meddyg neu'r deintydd lle cafwyd triniaeth o ganlyniad i'r anaf

• Gwneud cais am iawndal ar gyfer anafiadau sy'n gysylltiedig â throsedd Opens new window

• Cefndir y Cynllun Digolledu am Anafiadau Troseddol Opens new window

Mwy o ddolenni defnyddiol

• Gwasanaethau, ffurflenni a thaflenni o ran hawliau a chyfrifoldebau

• Dioddefwyr troseddau (adran trosedd, cyfiawnder a'r gyfraith)