Gwefan llywodraeth y DU

Canfod a oes angen i chi lenwi ffurflen gais eleni

A gawsoch chi Lwfans Cynhaliaeth Addysg y llynedd?

Os cawsoch y Lwfans Cynhaliaeth Addysg yn 2008/09, efallai na fydd angen i chi lenwi ffurflen gais arall ar gyfer 2009/10.

Pwy sydd angen llenwi ffurflen gais ar gyfer 2009/10?

Bydd angen i chi lenwi ffurflen gais ar gyfer 2009/10:

• os nad ydych wedi gwneud cais ar gyfer Lwfans Cynhaliaeth Addysg o'r blaen - neu os nad oeddech yn gymwys i'w gael yn 2008/09, ond o'r farn eich bod chi nawr
• os cawsoch Lwfans Cynhaliaeth Addysg ar gyfer 2008/09, ond yn meddwl efallai fod gennych hawl i lefel uwch o gymorth eleni oherwydd bod eich amgylchiadau yn ymwneud ag incwm eich cartref wedi newid
• os cawsoch Lwfans Cynhaliaeth Addysg ar gyfer 2008/09 oherwydd eich bod yn gwneud rhaglen Mynediad at Waith (e2e)

Pwy nad oes angen iddynt lenwi ffurflen gais ar gyfer 2009/10?

Mae 'gwarant Lwfans Cynhaliaeth Addysg' yn golygu y cewch daliadau awtomatig ar yr un gyfradd am hyd at dair blynedd, hyd yn oed os yw incwm eich cartref yn cynyddu. Mae hyn yn berthnasol i'r flwyddyn pan fyddwch yn dod yn 19.

Felly, os cawsoch Lwfans Cynhaliaeth Addysg y llynedd, ac os nad oeddech yn gwneud rhaglen Mynediad at Waith a bod eich amgylchiadau heb newid, ni fydd angen i chi lenwi ffurflen ar gyfer 2009/10. Dim ond cofrestru gyda'ch darparwr dysgu ar gyfer 2009/10 fydd angen i chi wneud, ac fe fyddwch yn parhau i gael taliadau Lwfans Cynhaliaeth Addysg.

Angen rhywun i siarad â nhw?

Gweler 'Lwfans Cynhaliaeth Addysg: 'faint, a pha mor aml' am ganllawiau ar gyfer faint o Lwfans Cynhaliaeth Addysg yr ydych yn debygol o'i gael ar gyfer 2009/10 yn seiliedig ar eich amgylchiadau. Os ydych yn ansicr ynghylch a ydych yn gymwys - neu a oes angen i chi lenwi'r ffurflen - ffoniwch llinell gymorth Cefnogaeth i Ddysgwyr ar 0800 121 8989.

• Ffonio llinell gymorth Cefnogaeth i Ddysgwyr

Sut i wneud cais

Gwnewch yn siŵr eich bod yn gwneud cais am y cynllun Lwfans Cynhaliaeth Addysg iawn

Mae’r dudalen hon yn amlinellu sut i wneud cais am Lwfans Cynhaliaeth Addysg os ydych yn astudio yn Lloegr.

Os ydych yn astudio yng Nghymru, Gogledd Iwerddon neu’r Alban, peidiwch â defnyddio’r ffurflen gais i bobl sy’n astudio yn Lloegr: bydd angen i chi wneud cais i’r cynllun Lwfans Cynhaliaeth Addysg ar gyfer y wlad yr ydych yn bwriadau astudio ynddo. Gweler ‘Lwfans Cynhaliaeth Addysg yng Nghymru, Gogledd Iwerddon a’r Alban’ i gael gwybod sut.

• Lwfans Cynhaliaeth Addysg yng Nghymru, Gogledd Iwerddon a’r Alban

Cael eich pecyn ymgeisio am Lwfans Cynhaliaeth Addysg

Os ydych yn astudio yn Lloegr, ffordd hawsaf o gael pecyn ymgeisio yw gwneud cais ar-lein.

• Gofyn am becyn ymgeisio Lwfans Cynhaliaeth Addysg ar-lein Opens new window

Archebu eich pecyn ymgeisio

• Gofyn am becyn ymgeisio Lwfans Cynhaliaeth Addysg ar-lein (os ydych chi’n astudio yn Lloegr) Opens new window

Gallwch hefyd gael pecyn ymgeisio drwy:

• ffonio llinell gymorth Cefnogaeth i Ddysgwyr ar 0800 121 8989
• cael ffurflen yn eich ysgol, coleg, darparwr dysgu neu swyddfa Connexions

Pryd i wneud cais

A chaniatáu eich bod chi’n gymwys, gorau po gyntaf y byddwch yn gwneud cais er mwyn i chi gael eich arian.

Gallwch wneud cais am Lwfans Cynhaliaeth Addysg unrhyw bryd yn ystod y flwyddyn, ond os carech i'r taliadau gael eu hôl-ddyddio i ddechrau'r cwrs neu raglen ddysgu, bydd angen i chi wneud cais o fewn 28 diwrnod i ddyddiad dechrau'r cwrs.

Os ydych yn gwneud cais yn agos at y dyddiad cau ac yn meddwl bod yna broblem gyda’r post (er enghraifft, oherwydd streic) gofynnwch am ‘Dystysgrif Postio’ gan swyddfa’r post pan fyddwch chi'n anfon eich ffurflen gais. Gallwch ddefnyddio hwn fel cadarnhad o bryd anfonoch chi’ch ffurflen.

Bydd ceisiadau sydd wedi cael eu hoedi oherwydd streic bost yn cael eu trin gyda chydymdeimlad.

Llenwi manylion rhieni neu ofalwr

Unwaith y byddwch wedi cwblhau'r ffurflen gais am Lwfans Cynhaliaeth Addysg, bydd angen i'ch rhiant neu'ch gofalwr ddarparu tystiolaeth am incwm y cartref ar gyfer y flwyddyn dreth berthnasol (ar gyfer ymgeiswyr Lwfans Cynhaliaeth Addysg 2009/10, y flwyddyn berthnasol fydd 2008-09).

Gallai hyn olygu anfon eu Hysbysiad am Ddyfarniadau Credyd Treth (TC602) neu ffurflen P60.

• Lwfans Cynhaliaeth Addysg: y ffeithiau i rieni a gofalwyr (adran rhieni)

Cael cyfrif banc

I gael Lwfans Cynhaliaeth Addysg, bydd angen cyfrif banc neu gyfrif cymdeithas adeiladu arnoch, a thystiolaeth i brofi bod gennych un (er enghraifft, cyfriflen neu lythyr gyda'ch enw, cyfeiriad a manylion banc arno).

Os nad ydych wedi agor cyfrif banc eto, mae'r Lwfans Cynhaliaeth Addysg yn rheswm da dros gael un.

• Cael cyfrif cyfredol (adran pobl ifanc)

Beth sy’n digwydd nesaf?

Os ydych yn gymwys i gael Lwfans Cynhaliaeth Addysg, anfonir Hysbysiad o Hawl atoch yn cadarnhau faint y byddwch yn ei gael yr wythnos. Mae'n bwysig cadw'ch Hysbysiad o Hawl yn ddiogel: ni fyddwch yn gallu hawlio Lwfans Cynhaliaeth Addysg hebddo.

Ewch â'ch Hysbysiad o Hawl gyda chi pan fyddwch yn cofrestru ar eich cwrs neu raglen ddysgu.

Bydd eich ysgol, eich coleg neu'ch darparwr dysgu hefyd yn gofyn i chi lofnodi cytundeb dysgu, a fydd yn nodi disgwyliadau o ran presenoldeb, ymddygiad, gwaith cwrs a chynnydd.

Ddim yn fodlon gyda'r ffordd y deliwyd â'ch cais am Lwfans Cynhaliaeth Addysg?

Os nad ydych yn gwbl fodlon gyda'r ffordd yr ymdriniwyd â'ch cais, ffoniwch llinell gymorth Cefnogaeth i Ddysgwyr ar 0800 121 8989. Bydd cynghorwyr Cefnogaeth i Ddysgwyr yn fwy na pharod i'ch helpu i ddatrys eich problem.

• Ffonio llinell gymorth Cefnogaeth i Ddysgwyr

Mwy o ddolenni defnyddiol

• Gwybodaeth ar gyfer partneriaid a darparwyr y Lwfans Cynhaliaeth Addysg Opens new window